श्रीलंकाली सुरक्षा संयन्त्रहरुले ईस्टर हमलामा ३५९ जना मारिएको तथ्य सार्वजनिक गरेका थिए तर अहिले आएर श्रीलंकाका सम्बन्धीत एजेन्सीले मृतकको सख्याँ १०० जनाले घटेको तथ्य सार्वजनिक गरेका हुन् । छरिएका शवका टुक्राहरु र अवशेषहरु हेरेर मृतकको यकिन गरिँदा एकै वटा शवका २ वा बढी टुक्राहरु पनि गनिएको भएकाले यस्तो भएको श्रलंकाली सुरक्षा पदाधिकारीहरुको भनाई छ ।
३५९ जना मारिएको तथ्य अब घटेर २५३ मा झरेको छ, श्रीलंकाली स्वास्थ मन्त्रालयको बिज्ञप्तीमा भनिएको छ ।

अहिले सबै शवका टुक्राहरुको अटोप्सी र क्रस रिफरेन्स डीएनए परीक्षणमात्र यकिन गरेर मृतकको सख्याँ तोक्न सकिएको जनाइएको छ । श्रीलंकाली एजेन्सीहरु स्थानीय मुसलमान समुह नेशनल तोहिद जमात र जमाईयाथुल मिथालु ई्राहिमलाई यस आक्रमणको जिम्मेवार ठहर्याएको छ र यस्का साथै अन्तराष्ट्रिय आतंकवादी संगठन आईसील ले त यस काण्डको जिम्मेवारी नै लिएर भिडियो समेत पठाएको छ ।
७० जना शंकस्पद व्यक्तिहरुलाई गिरफ्तार गरिएको छ र यस्मध्य एकजना श्रीलंकाकै सर्वाधिक धनी मसला व्यापारी पनि रहेका छन् । यि व्यापारीका ३ जना छोराहरु यस आक्रमणमा आत्मघाती हमलावरका रुपमा संलग्न रहेको प्रारम्भिक अनुसन्धानले देखाएको जनाइन्छ ।