ईस्टर बमकाण्ड पछि श्रीलंकामा सरकारले अनुहार छोप्ने बुर्का लगाएर हिँड्न प्रतिबन्ध गरिदिएको छ । अल्पसंख्यक मुसलमान समुदायका महिलाहरुको धार्मिक अनि सांस्कृतिक महत्व भएको पहिरनमाथिको यो रोकले धेरैको मन दुखेको मात्र नभई स्वतन्त्रतामाथिकै हनन भएको सम्म भनिएको छ ।

बुर्का, निजाब या हिजाब भनिने यी अनुहार छोप्ने पहिरनहरु अब श्रीलंकामा लगाएर हिँड्न नपाइने भएको छ । बुर्काले सम्पूर्ण शरीर नै ढाक्दछ भनें हिजाबले भनें केवल कपाल मात्र छोप्ने गरिन्छ अनि निजाबले भनें केवल अनुहार मात्र छोपिन्छ । यसै सोमबार अर्थात अप्रिल २९ बाट यो नियम कार्यान्वयन भएको हो । राष्ट्रपति स्रिसेनाले सबै नागरीकहरुको अनुहार र पहिचान सहज हुनुपर्ने र पर्दाको आडमा कसैको पहिचान नलुकोस भनेंर यसो गरेको बताएका छन् ।

उता श्रीलंकाका ईस्लामीक अध्ययन केन्द्रका मुख्य मान्छे शेख अक्रम नोरामिथले धार्मिक स्वतन्त्रता हनन गर्ने यस नियमका बारेमा न्याय मन्त्रालयमा गएर कुरा गरेको बताएका छन् । दक्षिण एसियाको कूल जनसंख्यामा १० प्रतिशत जनसंख्या मुसलमान समुदायको छ । श्रीलंकाली सरकारको यस निर्णयमा मुसलमान समुदाय उति खुशी नभएको भनें प्रष्ट छ, हेर्दै जाँउ आगामी दिनमा यस ब्यानले कस्तो परिणाम ल्याउनेछ ।

लाइभमाण्डु