कलेजले एड्मिट कार्ड नदिदा बिधार्थीले परिक्षा दिन पाएनन्


अहिले प्लस टूको परिक्षा धमाधम चल्दै छ। परिक्षाको समयमा कलेजले आफ्ना बिधार्थीहरु संग बिभिन्न शिर्षकमा पैसा असुल्ने गर्दछन । यसरी परिक्षाको छेको पारेर बिद्यार्थीहरु संग पैसा असुली गर्दा मर्कामा पर्ने गर्दछन् । आज बसुन्धारा काठमाडौंको ओरियन्ट कलेजले एकजना बिद्यार्थीलाई कलेज फिस नतिरेको भनेर एड्मिट कार्ड नदिएपछि आज ति विद्यार्थीको परीक्षा छुटेको छ ।

बिद्यार्थीको अनुसार उनले सबै शुल्क तिरिसकेका थिए । तर कलेजले उनिसंग थप १५ हजार रुपैया मागेको थियो। १५ हजार तिर्न नसक्ने भएपछी कलेजले एड्मिट कार्डको फोटोकपी मात्र उपलब्ध गराएको थियो । तर विद्यार्थीले सोही कलेजको सरलाई आज फोन गरेर सोध्दा उक्त फोटोकपीले काम नगर्ने र जे सुकै गर भनेर बताएपछी विद्यार्थी परीक्षा दिन गएनन् ।

कलेजले भने विद्यार्थीको परीक्षा रोक्ने नियत नभएको र एड्मिट कार्ड लिन बोलाउदा पनि विद्यार्थी नआएको बताएको छ ।


Loading comments...