थाई राजाको एक्कासी बिवाहको घोषणा

थाई राजा महा बिज्रलोकोनले भर्खरै आफ्नो व्यक्तिगत सुरक्षादस्ताकी प्रमुख महिलालाई रानी सुथाइदाको नाम दिएर बिवाहको घोषणा गरेका हुन् । यो राजाको औपचारीक राज्याभिशेकको केहि दिनअघिको मात्र कुरा हो ।

बुधवार थाई राष्ट्रिय टिभी च्यानलहरुले उक्त बिवाहका झल्कोहरु देखाएका थिए । यी क्लीपमा भर्खरै घोषित रानी सुथाइदाले राजाले फुलका गुच्छाहरु दिएको र राजाबाट राजकीय उपहारहरु पाएका क्लीपहरु रहेका छन् । राजा रामा १०शौं का नामले प्रख्यात राजा महा बिज्रलोकोनको उमेर ६६ वर्ष भयो, राजा भूमिबोल अदुलयादेजको सन् २०१६ को अक्टोबरमा भएको निधनपछि रिक्त थाई सिंहासन अब छिटै पूर्ति हुँदैछ । बौद्धमार्ग अनि सनातन परम्परा दुबैबाट राज्यभिशेक गरिएपछि राजा महा बिज्रलोकोनलाई आगामी शनिवारबाट सिंहासनमा बिराजमान गराइनेछ । सन् २०१४ मा राजा महा बिज्रलोकोनले थाई एयरल्याण्डकी पूर्व परिचारीका सुथाइडा टिटजाईलाई आफ्नो ब्यक्तिगत सुरक्षा समुहमा समावेश गराएको बताइन्छ । सन् २०१६ डिसेम्बरमा सुथाइडा क्रमानुसार थाई आर्मीको फुल जनरल भएको र सन् २०१७ मा राजा महा बिज्रलोकोनको सुरक्षा समुहको डिपुटी कमाण्डर भएको देखिन्छ ।

सन् २०१४ मा राजा महा बिज्रलोकोनले पूर्व पत्नीसंग समबन्धबिच्छेद गरेको देखिन्छ, उक्त पत्नीसंग राजाको एक छोरा पनि छन् । राजा महा बिज्रलोकोनका सुथाइडा बाहेक ३ जना पूर्वपत्नीहरु छन् ।