साईक्लोनको असर : पूर्वि भारतमा २ जनाको मृत्यु र दशौं लाख बिस्थापित

शक्तिशाली साईक्लोनले पूर्वि भारतको तटिय क्षेत्रलाई नराम्रो संग प्रभावित गरेको छ । २०० किमी प्रतिघन्टाको दरको हावा चल्दै बाक्लो बर्षा भएको र जनजीवन प्रभावित भएको खबर छ । लाखौं जना मान्छेहरुले सुरक्षित स्थानमा वास लिएका छन् र सरकारी संयन्त्रहरुले नै जोखिमयूक्त ठाँउबाट मान्छेहरुलाई स्थानान्तरण गरेको हो ।

ओडिशा प्रान्तका राहत कमिश्नर बिष्णुपादा सेठीका अनुसार एकजना वृद्धको सेल्टरमा रहँदा हृदयाघातका कारणले र अर्का एकजना अरुको कुरा नसुनी बाहिर निस्कँदा रुखले किचेर मृत्यु भएको बताएका छन् । शुक्रबार बिहान ८ बजेको आसपासमा ओडिसामा यो साइक्लोन आँधी आएको हो, समुन्द्रको तटबाट जमिनभित्रको ६० किमी सम्म यस आँधीले रुखहरुलाई जरा उक्लने गरि भत्काएको, भुवनेश्वरमा त बिजुलीका पोलहरु सम्म उल्टाएको खबर छ । कोलकाताको पनि बन्दरगाह बन्द गरिएको छ ।

पूर्वि नेपाल लगायत काठमाण्डौमा पनि केहि बर्षा अनि अध्याँरो मौसम देखिएको छ , पूर्वका बिराटनगर, धरान लगायत निजगढ बारा र चितवनसम्म पनि बर्षाका खबर र आँधीहुरीका केहि असरहरुको खबर छ ।