पाकिस्तानी होटलमा आक्रमण


पाकिस्तानको बन्दरगाह शहरका रुपमा चिनिएको शहर गोदारमा बन्दुकधारी आक्रमणकारीले पाँच तारे होटलमा गोली चलाँउदा एकजनाको मृत्यु भएको खबर छ ।

शनिवारको दिन ३ जना बन्दुकधारीहरुले होटल पर्ल कन्टीनेन्टलमा छिर्न खोज्दा होटलका गार्डको हत्या गरेका हुन् । पछि बन्दुकधारीहरु होटल छिर्ने क्रममा होटलको भर्याङमा सुरक्षादस्ताले घेरेर उनीहरुलाई निस्तेज पारेको भनी बताइएको छ । होटलको ११४ वटा कोठामा रहेका सबै पाहुनालाई सकुशल निकालिएको खबर छ यद्धपि स्थानीयहरुका अनुसार होटलमा निकै हातापायी र गोलीबारी भएर मृतकको संख्या बढेको बताइन्छ । बालोच लिबरेशन आर्मी नामक स्वतन्त्र बलोचीस्तानको पैरवीगर्ने हतियार सहितको समुहले यस आक्रमणको जिम्मा लिएको छ ।

गोदार शहरले चीनलाई अरबियन सागर हुँदै पाकिस्तानसम्म जोड्दछ, चीन पाकिस्तानको महत्वपूर्ण ब्यापार केन्द्र गोदारमा रहेको होटलमाथिको यो आक्रमण पाकिस्तानको वाणिज्य र सुरक्षा दुबै कुरामाथि चुनौति रहेको प्रष्ट छ । उता यसै बालोच लिवरेशन आर्मीका दस्ता ले नै हर्निया जिल्लाको कोइला खानीमा आक्रमण गर्दा बिहिवारको दिन ५ जना मारिएको खबर आएको थियो । पाकिस्तान भित्रको बालोच स्वतन्त्रताको मुद्धा पनि दिनानुदिन झनै जकडिँदै गएको भनें स्पष्ट छ ।

लाइभमाण्डु


Loading comments...