भोजपुर सदरमुकाममा आगलागी


साँगुरो सडक र राम्रो विपद ब्यस्थापन संरचना नभएको नेपाली बजार र चोकचौराहहरु खडेरीको समयमा आगलागीको बिशेष जोखिममा रहन्छन् । तेह्रथुम, पाँचथर लगायत अन्य पूर्वि नेपालका बिभिन्न ठाँउहरु आगलागीको जोखिममा छन्, भोजपुर सदरमुकाम पनि आगलागीको विशेष जोखिममा छ ।

अहिले भोजपुर सदरमुकाममा आगलागी भएको छ, आगो नियन्त्रण भन्दा बाहिर पुगेको खबर छ । भोजपुर सदरमुकाम नजिकैको भोजपुर नगरपालिका वडा नं। ७ स्थित बरवोट टोलमा बिहीबार दिउँसो १ बजेदेखि आगलागी भइरहेको छ । स्थानीय बखत श्रेष्ठको घरबाट शुरु भएको आगलागी नियन्त्रणबाहिरको अवस्थामा पुगेको छ । नजिकैको घरमा समेत आगो फैलिएको प्रहरीले जनाएको छ । आगो नियन्त्रणका लागि नेपाली सेना, नेपाल प्रहरी, सशस्त्र प्रहरी तथा स्थानीय वासिन्दा खटिएका छन् ।
सडक साँघुरो छ अनि दमकल जान सक्ने अवस्था छैन । स्थानीयले बोकेर लगेको पानीले आगोको लप्को निभाउन सक्ने अवस्थामा छैन ।

लाइभमाण्डु


Loading comments...