सगरमाथामा यसवर्ष गुमेका १० आरोहीहरु


एकजना वेलायती आरोहीले यसै शनिवार सगरमाथामा आफ्नो ईहलिला त्याग गरे, यसका साथै यसवर्ष सगरमाथामा मारिने आरोही हरुको संख्या १० पुगेको हो । सगरमाथाको चुचरो हरेक मानवले यस पृथ्वीमा बसेर कल्पना गर्ने सर्वाधिक उचाईको ठाँउ हो, सगरमाथा एउटा सपना हो अनि संस्कार र सभ्यता पनि ।

यस चुचरोलाई चुम्न हरेक वर्ष हजारौं पर्यटकहरु नेपाल आँउदछन्, चैत बैशाख र जेष्ठको प्रथम हप्तासम्मको समय आरोहणका लागि उपयूक्त मानिन्छ । एभरेस्ट परिवार ट्रेकका मुरारी शर्मा का अनुसार ८७०० मिटरमा शिखरबाट फर्कने क्रममा वेलायती रोविन ह्यानस फिशर मारिएका हुन् । शिखरबाट १५० मिटर मात्र तल झरेका यिनी एक्कासी ढले र शेर्पाहरुले सहयोग गर्नु अगावै यिन्को हृदयगती ठप्प भइसकेको थियो ।

उता वेलायती आरोही कम्पनी ३६० एक्सपीडिशनका अनुसार अर्का आरोही ५६ वर्षिय केभिन हाइन्स भनें शिखर चढ्न जाँदा बिच बाटो बाटै फर्कने क्रममा ७०० मिटरमा आफ्नै टेन्टमा मृत पाइए । उता हिमालयन एक्सटासी ट्रेकका अनिल भटराईका अनुसार हाइयर क्याम्पमा लेक लागेका नेपाली पथप्रर्दशक ध्रुव विष्ट हवाई उद्धार गरिने क्रममा नै मरेका हुन् । उनी केवल ३३ वर्षका थिए ।

यसै हप्ताको शुरुवातमा नै एकजना भारती पुरुष र दुई महिला आरोहीको मृत्यु भएको थियो । यस महिनाको शुरुवात मा नै एकजना भारतीय आरोही र एकजना अमेरिकी आरोहीको मृत्यु भएको थियो । तिव्वती मोहडाबाट आरोहण क्रममा एकजना अष्ट्रियन आरोहीको पनि मृत्यु भएको थियो । उता मे १६ देखि सगरमाथामा हराइरहेका आयरल्याण्डका आरोही सिमस ललेसलाई पनि मृत मानिएको हो तथापि उन्को शरीर भनें भेटिएको छैन । अक्सर सगरमाथाका सेताम्मे हिँउहरुमा आरोहीहरु हराउने गर्दछन् र धेरै समयपछि पार्थिव शरीरहरु भेटिने गर्दछ । सगरमाथामा अझै पनि सैयौं आरोहीका शवहरु हिँउसंग तैरिरहेका पाइन्छन् र ति शवहरुको उद्धार कार्य पनि जारी छ ।

यसवर्षको मे महिनाको २२ गते सगरमाथामा आरोहीहरुको लाइन नै लागेको थियो, संभवत सगरमाथाको आरोहण इतिहासमा यो सर्वाधिक व्यस्त दिन हो । चौंथो क्याम्पबाट शिखर सम्म पुग्न त्यस दिन निकै व्यस्त र जाम नै भएको थियो । नेपाली आरोही कामी रिता शेर्पा ले चाँही यसै वर्ष आफ्नो रेकर्ड आँफै तोडे, उनी यसै वर्ष २४ सौं पटक शिखर उक्लेर सकुशल फर्किए । गत वर्ष ५ जनाले ज्यान गुमाएको सगरमाथामा यस वर्ष १० जनाले ज्यान गुमाए ।

सुयोग ढकाल
लाइभमाण्डु


Loading comments...