बाँदरमुडे घटनाको १४ वर्ष

चितवनको निर्वाचन क्षेत्र ३ वाट निर्वाचित अहिलेका सरकारका सर्वोच्च नेता मध्य एक प्रचण्डको निर्वाचन क्षेत्रमा नै पर्ने बाँदरमुडे भन्ने ठाँउमा आजभन्दा १४ वर्ष अघि यात्रुवाहक बसमा वम विष्फोट गराई, ३८ जना सर्वसाधारणलाई एकचिहान बनाइएको इतिहास ज्यूँदो छ । आज बाँदरमुडे घटनाको १४ वर्ष भएको छ ।

संसदीय निर्वाचनको अन्तिम चुनावी सभा माडीमा आयोजना हुँदा दाहालले ०७४ मंसिर १७ गते पीडितसँग लिखित सहमति गरेका थिए । सहमतिमा मृतकमा आश्रित परिवारका लागि काम गर्न सक्नेलाई रोजगार तथा स्वरोजगार, नसक्नेलाई जीवनवृत्ति र बालबालिका पढाउने उल्लेख थियो । घाइतेको अवस्था हेरी औषधोपचारको व्यवस्था, काम गर्न सक्नेलाई रोजगारी र नसक्नेलाई जीवनवृत्ति उपलब्ध गराउने सहमतिको प्रतिबद्धता थियो ।

घटनामा ज्यान गुमाएकाहरूको सम्झनामा बाँदरमुढे क्षेत्रमा १० बिघा जमिनमा स्मारक, ऐतिहासिक नमुना संग्रहालय र चिडियाघर निर्माण गरेर माडीकै प्रमुख पर्यटकीय स्थल बनाउने पनि भनिएको थियो । घटना भएको माडी बाँदरमुढे खोलामा पीडितले बनाएको सानो स्मारकको रङ खुइलिँदै गएको छ । काँसले स्मारकलाई छोप्न थालेको छ ।

बिसं २०६२ साल जेठ २३ गतेको दिनदेखि आजसम्म देशले धेरै आरोह अवरोह खेप्यो होला तर बाँदरमुडे घटना र पिडित परिवारलाई आश्वाशन सिवाय केहि भएन ।

‘तर पीडितले न न्याय पाए, न माओवादीले नै दिने भनेको राहत पाए ।

लाइभमाण्डु