बिन्ती दैव अर्को जन्ममा मलाई छोरी बनाइदेऊ
केहि हिस्सि अनि अलिकति मलाई गोरी बनाइदेऊ

मन परेका लाई आफनो बशमा पार्न सकु म,
मायाको एउटा शक्तिशाली डोरी बनाइदेऊ

हेर्ने मलाई सबै हेरिरहुन एकोहोरो निरन्तर,
म मा यौवन र बैश भोरी भोरी बनाइदेऊ

खुल्ला खुल्ला हुन सब सोच अनि बिचार मेरा
मन भने अलिकति मेरो फोरी बनाइदेऊ

नशालु अनि निर्दोष हुन आँखाहरु मेरो,
हासो भने अप्सराहरुको चोरी बनाइदेऊ