युवाहरुको क्षमता अभिवृद्धि तालिम सम्पन्न

विराटनगर ।
युवाहरुको क्षमता अभिवृद्धि गर्न दुई दिने अभिमुखिकरण तालिम विराटनगरमा सम्पन्न भएको छ । सनिबार सम्पन्न तालिममा विराटनगर महानगरका १ सय युवाहरुको सहभागीता रहेको थियो ।

अभिमुखिकरणमा वडाको विकास निर्माणमा युवाहरुको सकृय सहभागिता, युवाहरुको सवाल, नीति निर्माणमा युवाहरुको भुमिका, समुदायमा युवा परिचालन र निर्णय प्रकृयामा युवाहरुको उपस्थिती जस्ता विषयहरुमा छलफल भएको थियो ।

कार्यक्रममा सहभागीहरुले युवामैत्री महानगर बनाउने विषयमा मेयर भिम पराजुलीसंग छलफल पनि गरेका छन् । कार्यक्रममा युवा अभियान्ताहरु अपार पौडेल, सविन दाहाल लगायतले सहजिकरण गरेका थिए ।

तालिमको विषयमा प्रकाश पार्दै आयोजक संस्था हामी युृवाकी अध्यक्ष जीना कार्कीले परिवर्तनका संवाहक युवाहरु भएकाले हरेक निर्णय प्रकृयामा युवाहरुको सहभागीता आवश्यक रहेको बताइन् । उनले यसै विषयमा युवाहरुलाई जानकारी दिन तालिमको आयोजना गरिएको जानकारी दिइन् ।

हामी युवाको आयोजनामा शुक्रबारबाट सुरु भएको तालिमलाई विराटनगर महानगरले सहयोग गरेको थियो । यसैबीच सोही कार्यक्रममा महानगर युवा परिषदको समेत गठन गरिएको छ । प्रत्येक वडाबाट छनौट भएर आएका र निर्वाचनबाट चुनिएका गरि ३० सदस्सिय परिषद गठन गरिएको हामी युवाका महासचिव अभिषेक भट्टराईले बताए ।