विश्व सम्पदा संस्थाले बंगलादेशको सुन्दरवन क्षेत्रलाई उच्च जोखिममा रहेको सम्पदाका रुपमा घोषणा गरेको छ । बंगाली टाइगरहरुको लोपोन्मुख प्रजातिलाई संरक्षण गर्न सक्ने सुन्दरवन क्षेत्रको यो अवस्थाले भविष्यका पुस्ताले बंगाली टाइगर लगायत अन्य धेरै जनावर र समग्र बंगालको खाडी आसपासका देशहरुको आवहवामा नै कठिनाई नल्याउला भन्न सकिन्न ।

सरकारले सुन्दरवन क्षेत्रमा कोईलाका खानी सञ्चालन गर्न थालेपछि सुन्दरवन जोखिममा परेको हो । जुन महिनाको ३० देखि जुलाई महिनाको १० तारिखसम्म अजरबैजानमा विश्वका २१ देशका सरकारहरु सम्मेलित ईन्टरनेशनल यूनियन अफ कन्जरभेशन अफ नेचर कमिटीको भेला हुँदैछ, यसवर्षको मुख्य एजेण्डामा सुन्दरवनको मुद्धा पनि छ । १४००० हेक्टरमा फैलिएको सुन्दरवनको क्षेत्रले गंगा, ब्रह्मपुत्र र मेगना खोलाको प्रवाह अनि बंगालको खाडीको एक छेउ पनि समेटेको छ । भारतको सुन्दरवन क्षेत्र र बंगलादेशको सुन्दरवन क्षेत्र आसन्न छ । सन् २०१६ को अध्ययन मा नै बंगलादेश सरकारलाई रामपाल पावर प्लान्ट सुन्दरवन क्षेत्रबाट हटाउन सुझाव दिइएको थियो जुन अझै त्यहीँ छ । सुन्दरवन बाटै बग्ने पायरा खोलाको किनारमा काइला प्लान्ट पनि लगाइएको छ जुन अझै रोकिएको छैन ।

यस सुन्दरवन क्षेत्रमा बिभिन्न फरक फरक उधोग गरि लगभग १५० उधोगहरु सञ्चालनमा भएको सिएनएनको रिपोर्ट छ । अनि सरकारको तयारी यस क्षेत्रमा जलबिधुत प्लान्टको स्थापनामा पनि भएकाले निकट भविष्यमा सुन्दरवन वन नभई औधोगिक केन्द्र त हुने हैन ? विश्व समुदायको चासो छ ।

लाइभमाण्डु