नेपालको पहिलो कार्वन न्यूट्रल एयरलाइन्स

संभवत दक्षिण एसियाकै प्रथम कार्वन न्यूट्रल एयरलाइन्सका रुपमा यती एयरलाइन्सले दाबी गरेको छ । सन् २०१८ मा ग्रिनहाउस ग्याँस एमीसनको मात्रालाई हेरेर यती एयरलाइन्सले आफ्नो दावी गरेको बताइन्छ ।

संयुक्त राष्ट्रसंघको ग्रिनीगं द ब्लु अप्रोच टु क्लाइमेट न्यूट्रारिलीटी मापदण्ड अनुरुप यती एयरलाइन्स कार्वन न्युट्रल मापदण्ड भित्र परेको हो । तठस्त कार्वन एमीशन जाँचमा यती एयरलाइन्स मापदण्डभन्दा कम पाइएको छ । सन् २०१८ मा यस एयरलाइन्सले १९,६६५ टन बरावरको कार्वनडाइअक्साइड आफ्नो उडान, गाडी र अन्य कार्यगत कुराहरुबाट उत्पादन गरेको बताइन्छ । यो मात्रा लगभग ३२५,१६५ रुखहरुले १० वर्ष लगाएर गर्ने कार्वन निक्षेप बरावरको मात्रा हो । एयरलाइन्सले सन् २०१८ मा अन्य वर्षको तुलनामा २० प्रतिशतले कम कार्वन एमीशन गरेको देखिन्छ । यस एयरलाइन्सले सगरमाथा सरसफाई परियोजना लगायत सुदुर पश्चिम खानेपानी परियोजना र बृक्षारोपण परियोजनाहरु पनि गरेको छ । जलवायू परिवर्तनको पेरिस संझौता बमोजिम अन्य सम्पूर्ण एयरलाइन्सलाई पनि कार्वन एमीशन प्रति संवेदनशील हुन आव्हान पनि गरिएको पाइन्छ ।

लाइभमाण्डु