भारतीय बोर्डर सिटी सेल्स मिशन २०१९ सम्पन्न

नेपाल पर्यटन बोर्ड
प्रेस विज्ञप्ती
२०७६ असार ०९

नेपाल पर्यटन बोर्डद्वारा आयोजित बोर्डर सिटी सेल्स मिशन २०१९ लखनऊमा जुन १७, वाराणशीमा जुन १९ र पटनामा जुन २१मा सम्पन्न भएको छ । २१ नेपाली ट्राभल कम्पनीहरुको सहभागिता रहेको यस सेल्स मिशन होटल संघ चित्तवन र सिद्धार्थनगरसँगको संयोजनमा भएको थियो ।

सेल्स मिसनको उद्धेश्य नेपाली व्यवसायीहरुको भारतीय समकक्षी टुर अपरेटरहरु र ट्राभल एजेण्टससँग सम्बन्ध विस्तार र ब्यवसाय बृद्धि गरी नेपालमा बढी भन्दा बढी पर्यटक भित्र्याउने रहेको छ । सहभागीहरुलाई नेपाल भ्रमण वर्ष २०२० र चलिरहेको लुम्बिनी भ्रमण वर्ष २०१८/०१९ को बारेमा जानकारी दिइयो । बोर्डर शहरहरुबाट नेपालसँगको सम्पर्क सहझ हुन भएकाले बोर्डले यी शहरहरुमा सेल्स मिसनको कार्यक्रम आयोजना गरेको हो । तीन शहरमा २०० भारतीय समकक्षी अपरेटरहरुसँग नेपाली ब्यवसायीहरुले भेट्ने अवसर प्राप्त गरेका थिए ।

स्थानिय सञ्चार माध्यमका पत्रकारहरुको पनि कार्यक्रममा उल्लेखनिय उपस्थिति रहेको थियो । हाल बुद्ध एअरले बनारस र कोलकत्तासम्मको काठमाण्डौंबाट सिधा उडान गरिरहेको सन्धर्वमा यस्ता ब्यापार बिस्तार र प्रबद्र्धन गर्ने कार्यक्रमहरुले विशेष महत्व राख्ने गर्दछ ।
नेपाल पर्यटन बोर्डबाट उक्त अवसरहरुमा बिमल कडेँल, प्रबन्धक, जानकी उपाध्याय, अधिकृत र सिर्जना श्रेष्ठ, अधिकृतको प्रतिनिधित्व तथा संयोजन भएको थियो ।