पानीले भरियो मुम्बई, जुहू एयरपोर्ट चुर्लुम्म, रनवेमा माछा
भारतको आर्थिक राजधानी मुम्बईमा भईरहेको निरन्तरको मूसलाधारे वर्षाका कारण चारै तिर पानी नै पानी भएको छ । रोडहरु, रेल्वे स्टेशन होस् या एयरपोर्ट होस् लगभग हरेक स्थानहरु पानीले भरीएका छन् ।
सामाजिक सञ्जालमा एउटा भिडियो भाईरल भईरहेको छ जसमा जुहू एयरपोर्टमा यति पानी भरिएको छ की रनवेमा सिङ्गी जातको माछा तैरिरहेको देखिन्छ । एयरपोर्टको सम्पूर्ण क्षेत्र पानी नै पानीले भरिएको छ ।
Fish on Juhu Airport runway– Heavy rains continue to play havoc in Mumbai with severe water-logging in several areas. For more: https://t.co/oJGgt0p3Go pic.twitter.com/MhcvAql85x
— GoNews (@GoNews24x7) July 1, 2019
त्यस्तै अर्कोतिर मुम्बईस्थित मरीन ड्राइवमा भने गर्मीका कारण प्याक-प्याक भएका स्थानीयहरु बर्षामा भिजेर रमाईलो गरिरहेका छन् । यहाँ वर्षाको कारण बढ्दै गरेको पानी सडकको सतहमा बढिरहेका छन् । यातायातका सवारीसाधन सञ्चालनमा समस्या देखिएको छ ।
मुम्बईको लाईफलाईनको रुपमा परिचित लोकल रेलहरु निरन्तरको वर्षाका कारण रेलवे ट्रयाकमा अत्याधिक पानी जेमेका कारण नियमित सेवा प्रभावित भएका छन् भने कैंयन ट्रेनले आफ्नो नियमित ट्रयाक परिवर्तन गरेका छन् । हार्बर लाईन, सेन्ट्रल लाईन तथा वेस्टर्न लाईनमा लोकल ट्रेनको तालिका बिग्रिएको छ र चलेका रेलहरुपनि सुस्त छन् ।
#MumbaiRain @Mumbaitrainupd8 @Central_Railway Every year same story pic.twitter.com/itbNH6NlUh
— Avinash (@imavid08) June 28, 2019
कैंयन क्षेत्रमा ब्यापक ट्राफिक जाम भएको छ । स्थिति यो छ की, मानिसहरु आफ्नो गाडिहरु छाडेर सुरक्षित स्थानतर्फत भागिरहेका देखिन्छन् ।
मुम्बईको हिंदमाता, सायन, अन्धेरी, कुर्ला, किङ्गस सर्कल क्षेत्र तथा चेम्बुरमा समेत ब्यापक वर्षा भएको छ । चेम्बूरमा बाढी जस्तो स्थिति छ । भारतिय मौसम बिभाग अनुसार मुम्बई बाहेक महाराष्ट्रका अझै कैयन स्थानमा मुसलधारे वर्षा हुनसक्छ र यसका लागि विभागले हाई टाईडको अलर्ट जारी गर्दै समुन्द्र किनारतर्फ नजान निर्देशन दिएको छ । अनुमान यो छ की हाई टाईडमा ४ मिटर भन्दा माथिको छालहरु समुन्द्रमा देखिनसक्छन् ।
