काठमाडौं उपत्यका ऐतिहासिक सम्पदा र सांस्कृतिक धरोहरहरुले भरिएको छ । ललितपुर नगरपालिकाले आज मिती २०७६ साल असार २० गतेका दिन पर्यटन प्रर्वधनमा बिभिन्न आयामहरुले छलफल गरेको छ । यस बिषयका ज्ञाता व्यक्तित्व, नगरपालिका पदाधिकारी, मिडिया, नागरीक समुह लगायत बिधार्थीहरुको पनि उक्त कार्यक्रममा उत्साहजनक उपस्थिती थियो । निसु प्रोडक्शन र ललितपुर नगरपालिकाको सहकार्यमा भएको उक्त बिचारगोष्ठिमा अध्यापक एवं तथ्याकंशास्त्री निर्मल बज्राचार्य, सांस्कृतिक शोधकर्ता एवं लेखक सुयोग ढकाल, बरिष्ठ फोटोग्राफर दिपेन्द्र बज्राचार्य, कलाकार सलिल सुवेदि लगायतको प्रस्तुति र बिचारबिमर्श रहेको थियो ।

यस कार्यक्रममा सोल्टीमोडको कलेज अफ सेन्ट्रल स्टेटका पर्यटन बिभागमा अध्यापक मिथलेश पोद्धारले पनि आफ्नो प्रस्तुति दिनुभयो ललितपुर नगरपालिकाकी उपमेयर गीता सत्यालसंग पनि उपस्थित हरुले नगरपालिका र पर्यटन बिकास बिषयमा प्रश्नोत्तर गरेका थिए । उक्त कार्यक्रममा काठमाडौं कलेज अफ सेन्ट्रल स्टेटका पर्यटन संकायका बिधार्थीहरुले आफ्नो सक्रिय सहभागीता जनाए । आयोजकका अनुसार कार्यक्रममा उठेका सवाल र आवाजका आधारमा एउटा प्रतिवेदन बनाएर नगपालिकालाई प्रदान गरिने छ । नगरपालिकाकी उपमेयरले उक्त प्रतिवेदनलाई आगामी कार्यक्रममा समावेश गर्ने प्रतिवद्धता पनि जनाउनु भयो ।

लाइभमाण्डु