चैत्र ९, २०७५ देखी बैशाख २, २०७६ सम्म संचालित छैठौं राष्ट्रिय एस्ट्रोनोमी ओलम्पियाड २०१९ को दोश्रो चरणको नजिता आज प्रकाशन गरिएको छ ।

यस वर्ष कक्षा ९ र १० मा अध्यनरत विद्यार्थीहरुको लागि संचालन गरिएको जुनियर विधामा प्रदेश १, २ ३, ५ र ६ मा १४ विद्यालयका १४ विधार्थी बन्द शिविर (अन्तिम चरण)को लागि छनौट भएका छन् । त्यस्तै कक्षा ११ र १२ वा सो सरह अध्यनरत प्रदेश १, २, ३, ४, ५ र ७ मा २० विद्यालयका २९ विधार्थी बन्द शिविरको लागि छनौट भएका छन् ।

नेपाल एस्ट्रोनोमिकल सोसाइटीका अध्यक्ष सुरेश भट्टराईद्वारा आज जारी विज्ञप्तिमा छनौट भएका विद्यार्थीहरुका लागि आवश्यक जानकारी उल्लेख गर्दै लेखिएको छः ‘बन्द शिबिर जेठ ११ देखी १७ गते सम्म काठमाडौँ बसुन्धरास्थित साउथ वेस्टर्न स्टेट कलेज मा संचालन गरिनेछ । बन्द शिविरमा छनौट भएका विद्यार्थीहरुलाई खगोल विज्ञान सम्बन्धि सैद्धान्तिक तथा प्रयोगात्मक कक्षाहरु संचालन गरिनेछ । बन्द शिविरमा उत्कृष्ट प्रदर्शन गर्ने विधार्थीहरुलाई यस वर्ष सञ्चालन हुने विभिन्न अन्तरास्ट्रिय एस्ट्रोनोमी ओलम्पियाडमा सहभागिताको अवसर प्रदान गरिनेछ ।’

कार्यक्रम सम्बन्धि थप जानकारीको लागि www.nepalastronomicalsociety.org/olympiad मा हेर्न सक्नुहुनेछ ।

नतिजा सहितको नामावली यहाँ हेर्नुहोस्ः