ज्वरो आउने, जिउ दुख्ने, टाउको दुख्ने, घाँटी दुख्ने, आवाज घोक्रो हुने, रुघा लाग्ने, नाक बन्द हुने, छालामा डाबर आउने, आखा रातो हुने आदि भाइरल फिभरका लक्षणहरु हुन् । भाइरल फिभर आफै ठीक भइहाल्छ । यस्तो बेलामा आराम गर्ने, प्रशस्त तातो झोल पदार्थ खाने, धुलोमा नजाने, अस्पतालमा संक्रमण भएमा बिरामी नजिक नजाने जस्ता सावधानीहरु अपनाउनुपर्छ । ज्वरोको लागि पारासिटामोल मात्रै खाने र अरु कुनै पनि औषधिको प्रयोग नगर्नु राम्रो हुन्छ ।

भाइरल फिभर केही दिनमा आफै ठीक हुन्छ । त्यसैले रुघाको औषधि वा एन्टीबायोटिकको प्रयोग गर्नु आवश्याक हुदैन । यसको प्रयोगले उल्टै हानी गर्नसक्छ । त्यसैले भाइरल फिभरको शंका भएमा चिकित्सकको परामर्श लिएपछि मात्रै औषधि खाने गर्नुपर्छ । रुखा लागेको दिनदेखि नै एन्टिबायोटिक खानु स्वास्थ्यको लागि नराम्रो हुन्छ । यस्तो धारणा र प्रचलनलाई निरुत्साहित गर्नुपर्छ ।