कर बढाइदेऊ
७ मंसिर २०७५, शुक्रबार ०५:४९
यति ले त कहाँ हुन्छ सरकार अझै बढि कर बढाइदेऊ
दुख पसिनाले तिर्छौ बरु नेताको भत्ता अनि रहर बढाइदेऊ
संघियताले मात्र हुन्न जस्तो लाग्छ भने हजुरलाई,
अझै टुक्र टुक्रा पार्नु यो देश दुई चारवटा नयाँ सहर बढाइदेऊ
देश चलाउन कहिलेकाहि पैसा नपुग्न सक्छ,
लाज नमानी माग्नु सकिएन भन्दै ठुला देशसगँको निर्भर बढाइदेऊ
जानै पर्छ युवा शक्ति विदेश अनि ल्याउछन डलर ,
त्यसैले रोजगार होइन विदेसिने युवाको दर बढाइदेऊ
नेतालाई टाउको दुखे मलेसिया, पेट दुखे सिगापुर जता लाने हो लैजाउ,
जसोतसो तिछौ नडराई बढाउन मिल्ने कुराहरु हर बढाइदेऊ
यति ले त कहाँ हुन्छ सरकार अझै बढि कर बढाइदेऊ
-सुबास भण्डारी
