BREAKING | मुख्य अपरेशनमा अमेरिकाद्वारा आईएसआएस – ISIS नेता अल बग्दादी मारिए

अमेरिकी सेनाको ३ जना मुख्य अधिकृतहरुलाई उद्धत गर्दै डेलीहनट मेलले सिरियामा अमेरिकी सेनाले गरेको एउटा टप अपरेशनमा कुख्यात आतंकवादी संगठन ईस्लामीक स्टेटका अबु बकर अल बग्दादी मारिएको लेखेको छ ।

अमेरिकाको विशेष सेनाको टुकडीको कारवाही उत्तरी सिरियाको ईदिव भन्ने स्थानतर्फ हुँदा बग्दादी मारिएको बताइन्छ, थप पहिचान र जानकारी भनें खुलाइएको छैन । ईदिवमा अमेरिकी सेनाको आधार छैन र पहिले भएर हटाइएको ठाँउ पनि हैन, ईदिव वहुसख्यक अल कायदा र अन्य आतंकवादी संगठनको गढ भएको ठाँउ हो । राष्ट्रपति वसारको सेनाले यस ठाँउलाई जिहादिस्तहरुबाट मुक्त बनाउन चाहेको र वसारको सेनाको धेरै प्रयासका बावजुद पनि ईदिवलाई नियन्त्रणमा लिन सकिएको छैन ।

आइतवारका दिन राष्ट्रपति डोनाल्ड ट्रम्पको कार्यकक्षवाटै बग्दादीको मृत्यूको पुष्टि गरिएको जाहेरी निकालियो, राष्ट्रपति ट्रम्पको टुवीटमा पनि भर्खरै केहि ठूलो कुरा भएको छ भनी लेखिएको थियो । ओसामा विन लादेन पछिको यो सबैभन्दा ठूलो आतंकवादी नेतृत्व मारिएको घटना हो ।

वग्दादी सन् १९७१ मा ईराकको समारामा जन्मिएका हुन्, सन् २०१४ मा यिनलाई शुरा काउन्सीलले ईस्लामीक स्टेटको मुख्यमा नियूक्त गरेको हो । सन् २०१६ बाट अमेरिकाले २५ मिलयन डलर ईनाम राखेको यि बग्दादीलाई संयूक्त राष्ट्र संघ र यूरोपियन यूनियन दुबैले आतंकवादी सूचीमा राखेको थियो ।
यिनलाई यूनिभरसीटी अफ वग्दादले मानार्थ डाक्टरेटको उपाधी दिएको बताइन्छ, यिनको अध्ययन चाँही ईस्लामीक यूनिभरसीटी अफ वग्दादवाट ईस्लामीक कानुन विषयमा भएको देखिन्छ ।
यस विषयमा वग्दादीले बिए, एमए र पिएच डी गरेको देखिन्छ, यी तथ्यहरु सन् २०१४ मा इन्टरनेटमा लिक भएको एक्ट्रीमिस्टहरुको बायोग्राफीमा भएको पाइयो ।

—
लाइभमाण्डु