शहरको व्यस्त चोकमा निकै ठुलो जाम छ आज
१२ मंसिर २०७५, बुधबार १५:०४
शहरको व्यस्त चोकमा निकै ठुलो जाम छ आज,
धुवाँ धुलो प्रदुषण त सबैको लागि आम छ आज
फुर्सद छैन सबैजना निकै हतारमा देखिन्छन,
जिन्दगीमा हाँसो रमाइलो भन्दा पनि ठुलो काम छ आज
हातमा नाम्लो लिई बसेका बाजे पनि त्यहाँ,
उहाँको चिन्ता मात्र बिहान बेलुका के खाम छ आज
कालो सिसा भएको गाडिमा एउटी महिला हर्न बजाउँदै,
उनको भने निकै ठुलो तामझाम छ आज
रमाउदै मुखमा प्लाष्टिक अनि हातमा बोरा लिएका भाईहरु,
उनिहरुलाई न त जाडो न त घाम छ आज
व्यस्त चोकको आकशे पुलमा हात समाउदै एक जोडी,
उनीहरुको इच्छा चाही खुलेर माया लाम छ आज
