मैले देखेका यि दुई तस्बिर

मैले देखेका यि दुई तस्बिर
पहिलो तस्बिर हाँसो भरिएको,
मुहारमा खुसीयाली छरिएको
ल है आयो देशमा नयाँ युग भन्दै,
व्यापक प्रचार प्रसार गरिएको 

दोस्रो तस्बिर दुख भरिएको
न्याय नभेटिएको बिलौना छरिएको
सरकार भेटियो तर न्याय भेटिएन
भन्दै हार गुहार गरिएको

समृद्धिका कुरा हुदै गर्दा,
न्यायका लागि रुदै गर्दा
ती तस्बिर देख्दा लाग्छ खै,
म नयाँ युगको खुसी मनाऊ,
वा बिरोधको चर्को बोली बनाऊ ।

कही तस्बिरमा उत्सवका कुरा छन्,
कुनै तस्बिरमा भने न्याय अधुरा छन् ।
हो आजभोलि तस्बिर बोल्दैछन्,
एउटै समयमा बिपरित कुराहरु,
कतै उत्सब, कतै पिडा

च्यातिएका तस्बिरहरु अनि च्यात्न नसकिने मागहरु,
घटना लुकाउन भएका भागम भागहरु
सबै देख्दैछु यि दुई तस्बिरमा
एकमा खुसी अर्को पिरमा …………….