Lifestyle Portal
  •   २२ माघ २०७९, आईतवार

चिनियाँ रक्षामन्त्रीको नेपाल भ्रमणकै बेला नेपाली मुस्लिमहरू किन आन्दोलित थिए?

२३ मंसिर २०७७, मंगलवार २०:४८

लोकप्रिय

काठमाण्डौ । चिनियाँ रक्षामन्त्री नेपालमै रहेको बेला नेपाली मुसलमानहरूले चीनविरुद्ध सडक प्रदर्शन गरिरहेका थिए। यसलाई चीनलाई नेपालमा अप्ठ्यारो रहेको अर्थमा लिन सकिन्छ। वास्तवमा चिनियाँ रक्षामन्त्री वेफेंगेले केपी शर्मा ओली र उनको सरकारका वरिष्ठ क्याबिनेट मन्त्रीहरूलाई भेट्दै गर्दा पोखरा र आसपासका पहाडी जिल्लाका मुस्लिम समुदायका युवाहरू यस हिमाली देशको सडकमा परिवर्तनका लागि चीनविरुद्ध नारा लगाईरहेका थिए । उनीहरूले शिनजियांग क्षेत्रमा उइगुर मुस्लिमहरूको नरसंहार रोक्न माग गर्दै आन्दोलनरत थिए।

नेपालको अन्य क्षेत्रका मुस्लिमहरूले विगुर मुस्लिमहरूको मानवअधिकार उल्लघनमा संलग्न भएको आरोपमा चीनबिरूद्ध केही समयदेखि आन्दोलन गर्दै आइरहेका थिए तर यो पहिलो भएको थियो जब यो सानो हिमाली देशका मुस्लिम युवाहरू वरिष्ठ चिनियाँ नेता काठमाडौं भ्रमणमा रहेका बेला सडकमा थिए।

पोखरामा ‘मुस्लिम कल्याणकारी समाज’ को नेतृत्वमा प्रदर्शनकारीहरूले प्रदर्सन गरेका थिए र चीनमा अल्पसंख्यक मुस्लिम समुदायका विरुद्ध हुने अत्याचारविरुद्ध आवान बुलन्द गरिरहेका थिए । उनीहरूले काठमाडौंमा चिनियाँ दूतावासलाई ज्ञापन पत्र पनि पठाएका थिए। नेपाली भाषामा लेखिएको उक्त ज्ञापनपत्रमा चीनको झिनजियांग क्षेत्रमा मानव अधिकार उल्लघनको निन्दा गरिएको थियो ।

ज्ञापनपत्रमा उइगुर मुसलमानहरुमाथि जारी धार्मिक उत्पीडन तुरुन्तै रोक्न, रमजानको समयमा उपवास गर्न स्वतन्त्रता प्रदान गर्न, मुस्लिम समुदायका पुरुष सदस्यहरुलाई दाह्री राख्न दिन, महिलालाई बुर्का लगाउन दिन, मस्जिदहरुमा भेला हुने स्वतन्त्रता र मस्जिदमा प्रार्थना गर्ने अनुमति दिन माग गरिएको छ।

यस अघि जमिअत उलामा ए मोरंगको नेतृत्वमा नेपालको विराटनगर र सिराहा जिल्लामा विरोध प्रदर्शन गरिएको थियो।

अमेरिकी अधिकारीहरु र संयुक्त राष्ट्रका विज्ञहरुका अनुसार चीनको शिनजियांग क्षेत्रका मुस्लिमहरुलाई “राजनीतिक पुन: शिक्षा” शिविरको विस्तारित नेटवर्कमा कैद गरिएको छ। यद्यपि चीनले नियमित रूपमा उइगुरहरू विरुद्ध जारी दुव्र्यवहारलाई अस्वीकार गर्दै आएको छ ।

संयुक्त राष्ट्रले दाबी गरेको छ कि चीनले सिन्जियाङ्ग क्षेत्रमा रहेका १० लाख भन्दा बढी उइगुर मुस्लिम र अन्य मुस्लिम समूहलाई नजरबन्दमा राखेको प्रमाण छ। सोशल मिडियामा कपाल मुण्डन गरिएको, आँखामा पट्टी बाँधिएको, सशस्त्र रक्षकहरूले घेरेको मुस्लिमहरूको भिडियोहरू बाढी नै देखिन्छ । यी भिडियोहरूले चीनको सिनजियांग क्षेत्रका विगुरबिरुद्ध भइरहेको दमनको पुष्टि गर्द्छ।

पश्चिमी देशहरूमा बसोबास गरिरहेका विगुरहरु दिनहुँ शिक्षाको नाममा निर्दोष मुसलमानहरुमाथि चीनले गरिरहेको दमनको डरलाग्दो कथा सुनाउन्छ्न । उनीहरूले चिनियाँ सशस्त्र सेनाको क्रूरताको बयान गर्छ्न जसले मुसलमानहरुलाई आफ्नै निकाले, आमालाई बच्चाहरुबाट अलग राखे । उनीहरूमाथि “पुन: शिक्षा शिविर” मा जबरजस्ती गरिन्छ जहाँ कम्युनिष्ट विचारधाराको पालना गर्न राजी हुनेहरु लाई बाच्न दिइन्छ र नहुनेलाई बेपत्ता पारिन्छ।

प्रतिक्रिया दिनुहोस !
सम्बन्धित खबरहरु

एजेन्सी सीउल, १९ पुस उत्तर कोरियाली नेता किम जोङ उनले दोस्रो शक्तिशाली सैन्य अधिकारी पाक जोङ चोनलाई पदमुक्त गरेको कोरियाली

एजेन्सी सेनेगल, १९ पुस सेनेगलका दुई विपक्षी सांसदलाई बजेटको बहसका क्रममा गर्भवती सांसदलाई  पेटमा लात हानेको अभियोगमा ६ महिनाको जेल

कोरोना महामारी, निरन्तरको जलवायु प्रकोप, बढ्दो भूराजनीतिक तनाव, थलिएको अर्थतन्त्रमा कछुवाको गतिमा झिनो सुधार, ऊर्जा र खाद्यन्नको अकल्पनीय मूल्य वृद्धिलगायत

बकिङ्गम दरबारले एउटा विज्ञप्ति जारी गर्दै भनेको छ, “आज अपरान्ह बाल्मोरलमा महारानीको शान्तिपूर्ण निधन भएको छ । राजा र क्वीन