नेपाली सेनाका लागि कोरोनाभाइरस विरुद्धको लडाइमा भारतीय सेनाको सहयोग, होलीको दिन आइपुग्यो १ लाख डोज भ्याक्सिन
भारतीय सेनाले नेपाली सेनालाई कोभिड-१९ महामारीको प्रतिकार्यमा सहयोग पुर्याउने उद्देश्यका साथ नोभल कोरोनाभाइरसविरुद्धको भ्याक्सिनको १ लाख डोज ‘कोभिसिल्ड’ खोप सहयोग प्रदान गरेको छ ।
सहयोग स्वरुप उपलब्ध गराइएको उक्त भ्याक्सिन त्रिभूवन विमानस्थल, काठमाण्डौमा आज साँझ आइपुगेको छ । भारतको पुणेस्थित सिरम इन्स्टिच्युट अफ इन्डियाद्वारा उत्पादित उक्त खोप यस अघि पहिलो पल्ट गत ८ माघ २०७७ का दिन भारत सरकारले नेपाल सरकारलाई अनुदान स्वरुप दश (१०) लाख भ्याक्सिनको डोज प्रदान गरेको थियो ।
उक्त खोपको प्रभावकारिता औसतमा ७०.४ प्रतिशत रहेको पाइएको छ । यसको औपचारिक हस्तान्तरण केही दिनमा हुने कार्यक्रम रहेको नेपाली सेनाको आधिकारिक फेसबुकमा उल्लेख गरिएको छ ।
100,000 doses of #MadeInIndia Covid-19 vaccine gifted by Indian Army to the Nepali Army were received at Tribhuwan Airport today.
#VaccineMaitri #IndiaNepalFriendship #NeighbourhoodFirst #COAS
@adgpi @pmoindia @meaindia @thenepalesearmy pic.twitter.com/TtlWWvV4UH— IndiaInNepal (@IndiaInNepal) March 28, 2021
तस्वीरः भारतीय दूतावास