कस्ले भन्छ कि म यहाँ गजल लेख्दैछु
म त केबल जिन्दगीका केही पल लेख्दैछु

दुख पछि सुख वा सुख पछि दुख जिन्दगीको कुरा,
यही दुख सुखबाट हुने हलचल लेख्दैछु

एउटा सुन्दर बल्यकाल,हाँसने बच्चाहरु
सानो झुपडीमा लुकेको विशाल महल लेख्दैछु

निकै सस्तो छ खेतबारीमा चुहाइएको पसिना
भोको किसानले पाएको दुखद प्रतिफल लेख्दैछु

न त चोक चोकमा साथी न छ चौतारीमा बैठक
बाटोमा अल्पत्र परेका कयौ नजर लेख्दैछु