भारतको सोनीपतमा राष्ट्रिय कुस्तीवाज निशा दहियाको हत्याको समाचार भाइरल – मलाई केही भएको छैनः दाहिया
भारतको हरियाणास्थित सोनीपतमा राष्ट्रिय कुस्तीवाज निशा दहिया, उनको २१ वर्षिय भाई, ८ वर्षिय एक बालक तथा आमा लगायत घरका ६ जनामाथी अन्धाधून्द गोली हानिएको भन्ने समाचार गलत निस्किएको छ ।
‘हिन्दुस्तान टाइम्स’ लगायत भारतका अधिकांश अनलाइन मेडिया तथा टेलिभिजनले उक्त घटनालाई सार्वजनिक गरेको थियो । समाचारमा “दिपावलीको पूजामा व्यस्त रहेका परिवारका सदस्यमाथी आक्रमणकारीको गोली प्रहारबाट उनी र उनको भाइको घटनास्थलमैं मृत्यू भएको समाचार सार्वजनिक गरेको थियो । जसमा निशा दहिया तथा उनको भाईको घटनास्थलमैं मृत्यु भएको र गम्भीर अवस्थामा निशाकी आमा धनपतीलाई त्यहाँस्थित “रोहतक पीजीआई”मा तत्काल भर्ना गरि उपचार भइरहेको” भन्ने शिर्षकको समाचार सार्वजनिक भएको थियो ।
समाचार भारतभर आगो झै सल्किएको थियो । तर उता गोली प्रहारबाट मारिएको भनिएकी कुस्तीवाज निशा दाहियाले इन्स्टाग्राम अकाउण्टमा भिडियो सार्वजनिक गर्दै आफू र आफ्नो भाई दुवै सकुशल रहेको र कुनै गोलीकाण्डमा नपरेको सन्देश दिएकी छिन् ।
के छ भिडियो सन्देशमा?
“म अहिले सिनयर नेशनल खेल्न गोण्डामा आएकी छु र म ठिक छु मेरो भाई पनि ठिक छ, जुन समाचार अहिले आइरहेको छ त्यो फेक हो, म ठिक छु ।”
View this post on Instagram
