Lifestyle Portal
  •   ४ जेष्ठ २०७९, बुधबार

पात्रोः २०७९ मा विवाहका लागि ५६ वटा लग्न, बैशाखमा मात्रै एक दिन बिराएर विवाहको लगन

५ माघ २०७८, बुधबार २०:५२

काठमाण्डौ । २०७९ सालमा विवाह र व्रतबन्धका लागि प्रशस्तै लगनहरु जुरेका छन् । ‘नेपाल पञ्चांग निर्णायक विकास समिति’का अनुसार नयाँ वर्ष २०७९ मा विवाहका मात्रै ५६ वटा लगन निस्किएको छ । २०७८ सालको तुलनामा यो झण्डै दुई गुणा बढी हो, २०७८ सालमा विवाहका लागि मात्र ३१ वटा लगन जुरेको थियो

समितिका सदस्य सचिव सूर्यप्रसाद ढुंगेलका अनुसार २०७९ सालको पहिलो महिना वैशाखमा सबैभन्दा बढी लगन निस्किएको छ । ‘वैशाखमा एक दिन बिराएर लगन निस्किएको छ,’ ढुंगेलले भने ।

२०७९ सालको पात्रो: असोज १९ मा दसैंको टीका, विवाहको लगन ५६ दिन
उनका अनुसार वैशाखमा मात्रै विवाहको १७ वटा लगन जुरेको छ । वैशाखपछि जेठमा सबैभन्दा बढी ११ वटा लगन निस्किएको छ । त्यस्तै, असारमा ५, मंसिरमा ८, माघमा ६ र फागुनमा नौ दिन विवाहको लगन छ ।

त्यस्तै, आगामी वर्ष २०७९ सालमा व्रतबन्धको लगन पनि टन्नै निस्किएको छ । २०७९ सालमा वैशाख, जेठ, असार, मंसिर, माघ र फागुनमा व्रतबन्धको दुईवटा लगन छ । चैतमा एक दिन व्रतबन्धका लागि लगन रहेको पञ्चांग निर्णायक विकास समितिले जनाएको छ ।

दसैंको टीका १९ असोजमा, भाइटीका १० कात्तिकमा
नेपाल पञ्चांग निर्णायक विकास समितिका अनुसार २०७९ सालको दसैंको टीका १९ असोजमा परेको छ । १० असोजमा घटस्थापना, १६ गते फूलपाती, १७ गते महाष्टमी, १८ गते महानवमी र १९ गते विजयादशमी परेको छ ।

सदस्यसचिव ढुंगेलका अनुसार, १० कात्तिकमा भाइटीकाको साइत जुरेको छ । त्यसअघि ६ कात्तिकमा कागतिहार परेको छ । कुकुरतिहार र लक्ष्मीपूजा ७ कात्तिकमा परेको छ । भोलिपल्ट ८ कात्तिकमा गाईपूजा छ भने त्यसै दिन सूर्य ग्रहण पनि लाग्नेछ । ९ गते गोवर्द्धन पूजा र म्ह पूजा परेको छ ।

समितिले २०७९ सालको पात्रो तयार पार्न विभिन्न १४ वटा पात्रोलाई तिथिमितिसहितको विवरण उपलब्ध गराइसकेको छ । समितिले १५ माघमा नयाँ पात्रो बजारमा ल्याउन स्वीकृतिसमेत दिइसकेको छ ।

तस्वीरः Dipen Chand

प्रतिक्रिया दिनुहोस !
सम्बन्धित खबरहरु

मैले २०४७ सालपछि भोट नै हालेकी छैन । किनभने हाम्रो नेपालमा बहुदल भित्रिएपछि मुलुकमा थप व्यक्तिवाद मात्रै मौलाएको देखेपछि मलाई

काठमाण्डौ (मंगलबार ११ः२० बजे) । देशको राजधानी काठमाण्डौ महानगरपालिकाको मेयर पदका लागि स्वतन्त्रतर्फबाट उम्मेदवारी दिएका बालेन शाहले जारी मतगणनाको ताजा

काठमाडौं: भारतीय प्रधानमन्त्री नरेंद्र मोदी (Indian PM Modi) बैशाख पुर्णिमाका दिन भगवान गौतम बुद्धको जन्मभूमी लुम्बिनीको संक्षिप्त यात्राका लागि नेपाल

A day before visit to Lumbini (the birth place of gautam buddha), Indin Prime Minister Narendra Modi on Sunday said