पूजाआजा गर्नाले पाप जान्छ र आमा ?
चढाइएको प्रसाद भगवानले खान्छ र आमा ?

दुई छाक खान धौ-धौ छ हामी गरिबलाई
थोत्रो लुगाले पुस माघलाई धान्छ र आमा ?

सबैले औँला उठाए माइतीमा बहिनीलाई
ससुरालीले के बहिनीलाई लान्छ र आमा ?

हो आमा,मैले देशकै लागि हतियार उठाए
बाबाले मलाई देशद्रोही नै ठान्छ र आमा ?

अभागी यो अशोकको यो तृषित मुटुले
नपाउँदा प्रियसीको माया मान्छ र आमा ?

अशोक अमन
सप्तरी, नेपाल
हाल :ललितपुर