नेपाली भाषा साहित्यका वहूआयामिक व्यक्तित्व, भाषाशास्त्रमा एम.ए. गर्ने पहिलो नेपाली विद्वान सुप्रसिद्ध भाषाशास्त्री, वरिष्ठ साहित्यकार अनि धेरैजना नेपाली भाषा अध्ययन गर्ने बिधार्थीहरुका स्नातकोत्तर तहका शोधनायक आदरणीय गुरु तथा नेपाल प्रज्ञा प्रतिष्ठानका आजीवन सदस्य प्राध्यापक बालकृष्ण पोखरेलको ८६ वर्षको उमेरमा आज २०७५ फागुन १२ गते बिहान १:३० बजे देहावसान भएको खबरले नेपाली वाङ्गमय क्षेत्रलाई अत्यन्त दुखी तुल्याएको छ । उहाँको निधनबाट नेपाली भाषा, साहित्य र मानवशास्त्र अध्ययनका क्षेत्रमा अपूरणीय क्षति पुगेको छ । यस दुःखद घडीमा उहाँप्रति भावपूर्ण श्रद्धाञ्जलि अर्पण गर्दछौं र शोकसन्तप्त परिवारजनमा हार्दिक समवेदना । वहाँलाई परमेश्वरले आफुमा समाहित गर्नुहोस् ।