ईरानमा अहिले मदिरामा प्रतिबन्ध छ तर अचम्मको कुरा त के भनें भर्खरै ईरानका ख्यातिप्राप्त राजनितिज्ञ अनि सामाजिक अभियन्ताले मदिरामाथिको यो प्रतिबन्धले धेरै मानविय मुल्य चुकाउन परेको बताएका छन् ।  मोस्तफा ताजाहिद पूर्व सरकारी कर्मचारी अनि चर्चित अभियन्ता र ईरानी राजनितिक विष्लेषक अनि राजनैतिक नेता हुन्, उनले ट्वीट गरेर सरकारलाई यो प्रतिबन्ध फुकुवा गर्न भनेका छन् ।

सन् २०१८ को अक्टोबरमा मात्र त्यहाँ विशाक्त मदिराको सेवनले ८४ जना मारिएको तथ्य छ, यसरी मदिरा प्रतिबन्ध हुँदा मानिसहरु विशाक्त मदिरा सेवनतर्फ लागेको र ज्यानमा जोखिम बढ्ने मोस्तफाको तर्कलाई ईरानका स्वास्थ मन्त्रालयका प्रवक्ताले प्याकेट या सिलमा भएका मदिरा पनि विशाक्त हुन सक्ने अर्को तर्क दिएका छन् । ईरानी स्वास्थ मन्त्रालयका प्रवक्ता ईराज हराचीले सन् २०१८ मा ९५९ जनालाई विशाक्त मदिरा सेवनका कारणले उपचार गरिएको र ३०५ जनाको मृगौला बिग्रको र २७ जना दृष्टिविहिन भएको पनि ट्वीट गरेका छन् ।

ईरानको मदिरा प्रतिबन्धले अहिले झनै विकराल रुप लिएको छ, विशाक्त मदिराको बढ्दो प्रयोग र जोखिम अहिले ईरानको मुख्य चुनौती भएको छ । सन् १९७९ बाट नै ईरानमा मदिरामाथि रोक लगाइएको हो ।