सामसुङ ग्यालेक्सी फोनको माग बढेसँगै दक्षिण कोरियाली बजारमा सामसुङको ग्यालेक्सी एस टेन स्मार्टफोनको फाइभ जी संस्करण बजारमा आउने भएको छ । जुन मेजेस्टिक ब्लाक, रोयल गोल्ड र क्राउन सिल्भर गरी ३ वटा रङमा उपलब्ध हुने भएको छ । सन् २०१८ को डिसेम्बर १ देखि नै दक्षिण कोरियाका व्यवसायिहरुले फाइभ जी नेटवर्क प्रयोग गर्दै आएका थिए ।

शुक्रबार बाट बजारमा आउन लागेको उक्त फोनमा ८ जिबी र्‍याम हुनेछ, भने २५६ जिबी र ५१२ जिबी गरी दुईवटा स्टोरेज अप्सनमा उपलब्ध रहने छ । रियल क्यामरा १२ मेगापिक्सेलको रहेको छ भने यसको पनि अप्सनमा १२ मेगापिक्सेलको सुपर स्पीड डुअल पिक्सेल वाइड एंगल लेन्स र अर्को १६ मेगापिक्सेल अल्ट्रा वाइड लेन्स वाला क्यामरा हुनेछ । र सेल्फी मा भने १० मेगापिक्सेलको डुअल पिक्सेल रहनेछ ।

४५०० मिलि एम्पियर आवर क्षमताको ब्याट्री रहेको फोनमा फेस र फिंगरप्रिन्ट गरी दुईवटै सेन्सर रहेको छ । उत्त फोनमा ६.७ इन्जको स्क्रिन रहेको छ । – एजेन्सी