नेपालमा ‘पब्जी’ खेल प्रतिबन्ध
२८ चैत्र २०७५, बिहीबार १६:०७
पब्जी खेल नेपालमा मात्रै हैन विश्वको धेरै देशमा खेलिने खेल हो । अनलाइन मार्फत खेलिने यो खेल धेरै युवाहरुको आकर्षण बनेको छ । तर नेपाल दूरसञ्चार प्राधिकरणले नेपालमा पब्जी खेल प्रतिबन्ध लगाएको छ । प्रहरीको केन्द्रीय अनुसन्धान ब्युरोको विशेष आग्रहमा प्राधिकरणले पब्जी खेल बन्द गर्न सबै इन्टरनेट सेवा प्रदायकहरुलाई निर्देशन दिएको हो ।
प्राधिकरणका प्रवक्ता मीनप्रसाद अर्यालले प्रहरीको आग्रहमा आजै इन्टरनेट प्रदायकहरुलाई पब्जी खेल डाउनलोड र खेल्ने कार्य लागि रोक्नका लागि पत्र पठाइएको जानकारी दिए।
