आर्थिक रुपमा टाट पल्टिएको जेट एयरवेजका एक वरिष्ठ कर्मचारीले आत्माहत्या गरेका छन्।

जेट एयरवेजमा काम गर्दै आएका ५३ वर्षीय शैलेषकुमार सिंह बिगतका समयदेखि आर्थिक संकटमा परेका थिए । उनले गत मार्च महिनादेखि तलब नपाएको बताईएको छ।

केही दिनदेखि अस्पतालमा उपचार गराई रहेका उनलाई शुक्रबार अस्पताबाट निकालेर उनलाई घर लगिएको थियो।

शुक्रबार साँझ नै उनले घरको चौथो तल्लाबाट हाम फालेर आत्महत्या गरेको भारतीय सञ्चार माध्यमहरुले जनाएका छन्।