इन्डोनेशियाको राजधानी सारिने

इन्डोनेसियाको राजधानी जाकार्ताबाट अन्यत्र सर्न लागेको छ तर कता सार्ने भन्ने कुरा अझै एकिन भएको छैन । अहिले राजधानी भएको जाकार्ता सहरमा करिव एक करोड मानिस बसोबास गर्दै आएको छन ।

जाकार्ता शहर छोएर बग्ने १३ वटा विभिन्न नदिहरूका कारण उक्त शहर कमजोर जमिनको तटमा अवस्थित छ। जकार्ता तीव्र गतिमा डुबिरहेका विश्वका शहरहरूमध्ये एक हो। अनुसन्धानकर्ताहरूका अनुसार सन् २०५० सम्ममा जकार्ताको ठूलो हिस्सा डुबिसक्नेछ।
सन् २०१६ मा गरिएको एउटा सर्वेक्षणका अनुसार जकार्तामा विश्वकै सबैभन्दा नराम्रो ट्राफिक जाम हुने गरेको थियो। यस्ता थुप्रै समस्याको कारण राजधानी नै सार्नु पर्ने मुद्दा पटक पटक उठ्दै आइरहेको छ ।