अन्नपूर्ण! एउटा अद्भूत सुन्दरता बोकेको भयानक शिखर
२२ जेष्ठ २०७६, बुधबार १७:००
अन्नपूर्ण देविको काठमाण्डौं असनमा भएको मन्दिरको कथा देखि आधूनिक कालमा हलिउडमा निकै बिख्यात चलचित्र बनाएको र बनाउने अन्नपूर्ण फिल्मससम्म यो नाको ख्याती छ । अन्नपूर्ण देवीको यस नाममा चलचित्र निर्माता कम्पनी देखि सञ्चार माध्यमको नाम, नेपाल वायू सेवा निगमको जहाज अनि ८०९१ मिटरको विश्वप्रसिद्ध हिमालको नाम पनि जोडिएको छ ।
आज हामी हिमालको नाममा केन्द्रित हुन चाहन्छौं, अद्भूत सुन्दरता बोकेको तर भयानक यस हिमाल । धेरैजना नेपाली एवं विदेशीहरु अन्नपूर्ण सर्किट ट्रेक गर्न जान्छन् अनि अदभूत हिमालको निकटतम दृश्य हेरेर आउँदछन् । विश्वको उँचाईगत वरीयतामा यस शिखर १० औं स्थानमा पर्दछ, तर सर्वाधिक डरलाग्दो र अप्ठेरो यस हिमालको भय विश्वभरिका आरोहीहरुको हृदयमा छ । गण्डकीको गल्छीले अन्नपूर्ण र धौलागीरीलाई फरक पारेको छ, गण्डकी खोला र गल्छी भन्दा ५५ किमी पूर्वमा यस हिमाल छ ।
विश्वभरिका ८००० मिटर माथिका १४ वटा ८००० मिटर माथिका हिमालमध्य एउटा यस हिमालमा सर्वप्रथम सन् १९५० मा जुन ३ तारिखका दिन फ्रान्सेली आरोही मारुसी र लुईसले आरोहण गरेका हुन् । उत्तरपश्चिमी मोहडा वाट प्रथमपटक आरोहण गरिएको यस हिमाललाई आरोहीले काउलीफ्लावर फेस अर्थात फुलकोभीको अनुहार जस्तो भनी ब्याख्या गरेको पाइन्छ । संसारकै सर्वाधिक अफ्ठेरो शिखरमध्य अन्नपूर्ण चर्चित छ । स्मरण रहोस् प्रथम आरोही मारुसी र लुईसले बिना अक्सिजन बोतल आरोहण गरेका र शिखरसम्म पुगेका त हुन् तर आरोहण पश्चात अत्याधिक हिँउले खाएका कारणले यिनीहरुको औंला र पैंताला काट्न परेको थियो । सागरहरुको तल्लोभागमा पाइने लाइमस्टोनहरुले ८००० मिटर माथिका हिमालहरु बनाएको पाइन्छ, सगरमाथा, धौलागिरी लगायत अन्नपूर्णमा पनि लाइमस्टोनका पत्थर र चट्टानहरु पाइन्छ । अन्नपूर्णका आरोहीहरुको जीवन जोखिम प्रतिशत ३२ प्रतिशतको औसत छ, अन्य हिमालहरुको तुलनामा यो सर्वाधिक बढि हो ।
—
सुयोग ढकाल
