Lifestyle Portal
  •   १५ आश्विन २०७९, शनिबार

प्रधानमन्त्री ओलीको स्वास्थ्यबारे निजी चिकित्सक डा. दिव्या सिंहद्वारा विज्ञप्ति जारी

५ भाद्र २०७६, बिहीबार १६:५१

काठमाण्डौ, ५ भाद्र २०७६ । प्रधानमन्त्री केपी शर्मा ओली नियमित स्वास्थ्य परिक्षणका सिलसिलामा आज अपरान्ह १:३० बजे थाई एयरबाट धर्मपत्नी राधिका शाक्यलगायतका सहयोगी, निजी चिकित्सक र सुरक्षाकर्मीका साथ सिंगापुरका लागि प्रस्थान गर्नुभएको छ ।

सम्माननीय प्रधानमन्त्रीका निजी चिकित्सक डा. दिव्या सिंहले जारी गर्नुभएको जानकारी पत्रमा लेखिएकोछः
अघिल्लो पटक २०७६ साउन १८ गतेदेखि २७ गतेसम्म सिंगापुरको न्यासनल युनिभर्सिटी हस्पिटल (एसएनयू) मा उहाँको स्वास्थ्य परिक्षण गरिएको थियो । त्यसै क्रममा मृगौलासम्बन्धी एण्टीबडीको मात्रा केही बढी देखिन गएको थियो । एण्टीबडीलाई शरीरबाट निस्कासन गरी निराकरण गर्ने उपचार बिधिलाई निरन्तरता दिन उहाँ फेरी त्यसतर्फ जान लाग्नुभएको हो । सिंगापुरमा रहँदा न्यासनल युनिभर्सिटी हस्पिटलमैं नेपाली चिकित्सकका साथमा त्यहाँका विज्ञहरुको टोलीले उहाँको मृगौलाको थप परिक्षण र क्षमता अभिवृद्धिका लागि आवश्यक उपचार समेत गर्नेछ ।

सिंगापुरमा उहाँको स्वास्थ्यका सम्बन्धमा नयाँ र उल्लेखनीय जानकारी प्राप्त भएमा हामी मिडियामार्फत आमनेपाली दिदीवहिनी तथा दाजुभाइहरुलाई अवगत गराउने नै छौं ।

प्रतिक्रिया दिनुहोस !
सम्बन्धित खबरहरु

भारत–नेपाल सचिवस्तरीय संयुक्त जलस्रोत समितिको नवौँ बैठक भारत सरकार जलशक्ति मन्त्रालय अन्तर्गतको जलस्रोत, नदी विकास एवं गंगा संरक्षण विभागका सचिव

भारतीय सेनाध्यक्ष जनरल मनोज पाण्डेले आफ्नो पाँच दिने नेपाल भ्रमण सफलतापूर्वक सम्पन्न गर्नुभयो । जनरल पाण्डेले नेपाली सेनाको निमन्त्रणामा नेपालको

काठमाडौ महानगरपालिकाले नेपाल बिद्युत् प्राधिकरणको बत्तिको रकम दाखिला नगरेको भन्ने सम्बन्धमा देहाए अनुसार रहेको ब्यहोरा अनुरोध छ । काठमाण्डौ महानगरपालिका

भारतीय थल सेनाध्यक्ष जनरल मनोज पाण्डेले आज नेपालका सम्माननीय प्रधानमन्त्री शेरबहादुर देउवासँग शिष्टाचार भेटवार्ता गर्नुभयो । उक्त भेटवार्तामा भारतीय राजदूत