गत बुधवार यूएई र साउदी अरबका बिदेश मन्त्रीहरु पाकिस्तानमा प्रधानमन्त्री ईमरान खानलाई भेट्न पुगेका छन् । यस विषयमा पाकिस्तानी समाचार एजेन्सी खालिद टाइम्सको रिपोर्ट हामी साभार गर्दैछौं ।

यूएईका बिदेश मन्त्री शेख अब्दुल्लाह बिन नायह र साउदी अरबका बिदेश मन्त्री अदेल अल जुबेर हिजो रावलपिण्डिको नुरखान एयर बेसमा आ-आफ्ना जेटबाट उत्रेका हुन् । गल्फका दुई शक्तिशाली देशका विदेशमन्त्रीले पाकिस्तानको एक दिने भ्रमणमा पाकिस्तानका प्रधानमन्त्री, सैन्य प्रमुख लगायत अन्य केहि उच्चपदस्त अधिकारीहरुलाई पनि भेटेको खबर छ ।

यमनको हाउथी बिद्रोही बिरुद्ध रियादको कदममा पाकिस्तानले सहयोग र समर्थन नगरेपछि पाकिस्तान र गल्फ देशहरुको समबन्ध बिग्रेको बताइएको थियो । फेब्रुअरीमा साउदी अरबका राजकुमार मोहम्मद बिन सल्मानले पनि पाकिस्तानको भ्रमण गरेका थिए जतिबेला साउदीले पाकिस्तानलाई २० विलियन बरावरको सैन्य सहयोग दिने पनि सम्झौता भएको थियो । पाकिस्तान साउदी अरबको मुख्य सैन्य सहयोगी पनि मानिन्छ भने यूएईका विदेशमन्त्रीको तर्फबाट पनि के कस्ता वार्ता भए भन्ने विषयमा पाक मिडियाहरु लगभग मौन पाइएका छन् ।

—
लाइभमाण्डु