के लेखिएको छ महराको ‘राजिनामा पत्रमा?’

प्रतिनिधि सभाका सभामुख तथा नेकपाका प्रभावशाली नेता कृष्ण बहादुर महराले प्रतिनिधि सभाका उपसभामुखको नाममा पत्र लेख्दै आजैको मितिदेखि छानविन प्रक्रिया नसकिदासम्मका लागि भन्ने आशयको राजिनामा दिनुभएको छ ।

संसद सचिवालयको महिला कर्मचारीद्वारा ‘महराले मदिरा सेवन गरी बलात्कार गरेको’ भन्ने आरोप लागेका प्रतिनिधि सभाका सभामुख कृष्ण बहादुर महराले केही बेर अघि  राजीनामा दिएका छन् ।

हिजो अपरान्हबाटै विभिन्न मेडियामा आएका समाचार पश्चात महराको सचिवालयले चरित्र हत्या जस्तो आशयको हिजै प्रेस विज्ञप्ती जारी गरेको थियो । आज बिहानै सत्तारुढ दल तथा नेकपाका अध्यक्षद्वयले यस विषयमा लामो समय छलफलमा जुटेका थिए । नेकपा कै सुझावमा महराले राजिनामा दिएका हुन् ।

संघिय संसद नेपाल प्रतिनिधिसभाको लेटरप्याडमा सभाभुखले सही छाप गरी सार्वजनिक गर्नुभएको राजिनामा पत्रमा के लेखिएको छ ?



माननीय उपसभामुख
प्रतिनिधि सभा
सिंहदरबार, काठमाण्डौ ।

विषयः राजीनामा सम्बन्धमा

हिजोदेखि विभिन्न सञ्चार माध्यममा मेरी चरित्रमा गम्भीर प्रश्न उठाई लगाइएको आरोपबारे सत्यतथ्य, निष्पक्ष र स्वतन्त्र छानविनका लागि अनुसन्धान गर्न सहज होस् भनी नैतिकताका आधारमा आजकै मितिदेखि छानविन प्रक्रिया नसकिदासम्मका लागि राजिनामा दिएको छु ।

मितिः २०७६।०६।१४

कृष्ण बहादुर महरा

सभामुख

—
राजिनामा पत्र जस्ताको तेस्तैः