Children Online Privacy Act (COPPA) को कारण युट्युबमा आएको नियमको फेरबदलका सम्बन्धमा धेरै प्रश्नहरु आएका छन् । समग्रमा जानेको जवाफ दिदैछु ।

युट्युबले के भन्छ ?
युट्युबले तपाईले बनाएको भिडियो केटाकेटीका लागि बनाएको भिडियो हो वा केटाकेटीका लागि होइन भन्ने छुट्याउँनै पर्छ भनेर अनिवार्य गरिदियो । यसले अमेरिकी कानुनलाई मान्छ ।

के गर्ने ?
यदि तपाई केटाकेटीहरुको लागि मात्रै भिडियो बनाउनुहुन्छ भने मेरो च्यानलमा केटाकेटीका लागि मात्रै भिडियो छन् भनेर च्यानल पुरैका लागि त्यो अप्सन छाने भयो ।

केटाकेटीका लागि छैनन् भने पनि पुरै च्यानललाई मेरो च्यानलमा केटाकेटीलाई कामलाग्ने भिडियो छैनन् भन्ने अप्सन छाने हुन्छ ।
यदि तपाईको च्यानलमा केटाकेटीका लागि हुने र नहुने दुवै किसिमका भिडियो छन् भने म हरेक भिडियोमा रिभ्यु गर्छु भन्ने विकल्प टिक लगाउन सक्नुहुनेछ ।

के फरक पार्छ ?
तपाईको छनौटले तपाईको भिडियोमा के विज्ञापन आउँछ भन्ने कुराको फरक पर्छ । केटाकेटीका लागि बनाएको भिडियोमा personalised ads देखिने छैनन् । पर्सनलाइज्ड विज्ञापनहरु प्रयोगकर्ताको ब्राउजिङ हिस्ट्रीका आधारमा देखिने हुनाले अलिक महंगा हुन्छन् । यसैले हुन्छ नै भन्न गाह्रो छ तर केटाकेटीहरुका लागि बनाइएका भिडियोहरुको कमाइ घट्न सक्छ ।

थप कुरा
फरक फरक प्रयोग गरे पछि केहि दिनमा के गर्दा ठिक हुन्छ भन्ने थाहा पाउँन सकिन्छ । नयाँ प्रयोग गर्न नछोड्नुस् ।

गणेश कार्की
MRR