Lifestyle Portal
  •   ५ असार २०७८, शनिबार

गाजाका बच्चाहरुको माया लाग्दछ मलाई

४ मंसिर २०७६, बुधबार ११:४२

गत केहि दिनदेखि ईज्रेलले गाजा क्षेत्रमा आफ्नो हमलाका श्रृखलालाई तिब्र बनाइदिएको छ । मलाई त्यहाँका शरणार्थी क्याम्पमा बसेका अनि अन्य सबै बालबालिकाको माया लाग्दछ । हुन त नेपाल र जोर्डन नदिका तटहरुमा धेरै दुरी होला तर फेरि ग्रह एउटै त हो, पृथ्वीको एक कुनामा भएका घटना र क्रियाकलापहरुले सबै कुनाहरुमा असर गर्दछ, गाजाका बालबालिका अनि त्यहाँको त्रासदीले नेपालमात्र हैन विश्वभरिका सबैलाई पीडा नदिएको हैन । त्यहाँका साना अनि भर्खर बामे सर्दै गरेका सबै केटाकेटीहरुले मध्य निन्द्रामा पनि आकाश या जमिनमा केहि आवाज र विष्फोट सुने अनि आफ्ना हातगोडा सग्लै भएको चाल पाए भनें ओछ्यानवाट उठेर लुक्ने ठाँउ या खाट अनि दराज पछाडि लुक्न सिकिसकेका छन् । तर तिनीहरुलाई के थाहा कि मिसाइल र गोलीहरुलाई भित्ता र काठका पाताहरुले छेक्न सक्दैनन भनेंर ।

निर्दयी देश, शाषक र प्यालीस्टाइनका पनि निर्दयी बिद्रोहीहरुले के का लागि युद्ध गरिरहेका हुन् कुन्नी तर वर्षौ लामो यस्ता युद्धले त्यहाँका पुस्तौं पुस्ता समापन भइसक्यो, सर्जिकल स्ट्राइकका बिच हुर्किएका बच्चाहरुको साइकोलोजी कस्तो होला र खै ?  यो युद्ध ईस्लामीस्ट र जियोनीस्ट को युद्ध हो, यता ईस्लामीस्टको गोली अनि उता जियोनीस्ट को तर बास्तवमा भन्दा बच्चाहरुको त कुनै धर्म हुन्छ र ? हुँदै नभएको धर्म र बुझ्दै नबुझेको दर्शनका लागि गाजा क्षेत्रका बालबालिकाहरुले ज्यान र जीवन गुमाइरहेका छन् ।

अनि एकातर्फ छ मौन अन्तराष्ट्रिय समुदाय, युद्ध जे सुकैका लागि होस् तर युद्ध भएपछि त्यहाँबाट बालबालिका र महिलाहरु लगायत निहत्था जनतालाई निकाल्न सबैको प्रयत्न हुनपर्ने हैन र ?

पानीको एकमात्र श्रोत हो जार्डन नदि जुन आजभोली यति प्रदुषित छ कि त्यस्लाई छोयो मात्र भनेंपनि रोग लाग्न सक्दछ । गाजा क्षेत्रमा केवल ६ देखि ८ घण्टामात्र बिजुली आँउछ, किसानहरुले अन्न उब्जाउन सक्ने वातावरण छैन किनभनें खुल्ला आकाशमा चरा भन्दा धेरै मिसाइल, ड्रोन र गोलीहरु डुलिरहेका हुन्छन् । माछा मार्न पानीमा जाल हान्न जान सक्ने अस्था छैन, गाजा क्षेत्रबाट समुन्द्र लगभग १.५ किमी मात्र पर छ तर त्यहाँ जानसक्ने अवस्था छैन । अस्पतालमा ओखती छैन, पसलमा राशन छैन, घरमा श्रोत छैन अनि धारामा पानी नआएको दशक भन्दा बढि भइसक्यो । गाजाका बालबालिकालाई चाँही अन्तराष्ट्रिय बाल दिवस कहिले लागु हुने हो ?

सुयोग ढकाल
लाइभमाण्डु

प्रतिक्रिया दिनुहोस !
Loading comments...
सम्बन्धित खबरहरु

काठमाडौं। नेपाली काँग्रेसको क्रियाशील सदस्यता नवीकण गर्न छुटेकाहरुले यही असार ९ गतेसम्म फेरि नवीकरण गर्न पाउने भएका छन्। क्रियाशील छानविन

काठमाडौं । १६ औँ संस्करणको युरोकप फुटबलमा क्रोएसियाले बराबरी खेलेको छ । प्रतियोगिता अन्तर्गत दोस्रो खेलमा क्रोएसियाले चेक रिपब्लिकसँग बराबरी

काठमाडौँ– स्वास्थ्य तथा जनसंख्या मन्त्रालयका अनुसार हजार ११८ जना कोरोना संक्रमितको देशका विभिन्न आईसीयू र भेन्टिलेटरमा उपचार भइरहेको छ ।

एजेन्सी । मानिसको शरीर अन्य प्राणीको तुलनामा निकै संवेदनशील हुन्छ । यही कारण भविष्यमा हुने घटनाप्रति हाम्रो शरीरले पहिले नै