सोलेमानीको अन्तेष्टिको पीडा अझै ईरानमा कम भइसकेको छैन, लाखौं ईरानी जनता, राष्ट्रपति, प्रधानमन्त्री समेत उपस्थित भएर जनरल सोलेमानीको अन्तेष्टि गरिएको छ, सबैका आँखा रसाएका सञ्चारमाध्यमहरुले बताएका छन् । गत शुक्रवारका दिन ईरानी इलीट फोर्सका अर्का कमाण्डर अबु महदी अल मुहान्दीसको साथमा ईरान इलीट कुर्दस फोर्सका सर्वोच्च कमाण्डर र ईरानीका सुरक्षा मामीलाका मास्टरमाइण्ड सोलेमानीको पनि हत्या भएको थियो, हत्यामा स्पष्टसंग अमेरिकी सरकारको संलग्नता रहेको छ ।

शनिवारका दिन अमेरिकी राष्ट्रपति ट्रम्पले यदि ईरानले कुनै अमेरिकी सम्पती या नागरीकमाथि आक्रमण गरेमा ५२ वटा ईरानी साइटलाई ध्वस्त पार्ने चेतावनी पनि दिएका थिए । ईरानका सुप्रिम नेता अलि हुसेनी खामेनीले अब ईरानले अमेरिकालाई बलियो जवाफ फर्काउने चेतावनी पनि दिएका छन् ।

ईरान एफ एमले बिदेशमन्त्री जवाद जरिफको अन्र्तवार्ता लिएको थियो, त्यसमा जरिफले स्पष्टसंग राष्ट्रपति डोनाल्ड ट्रम्पलाई के यहाँले अहिलेसम्म मानवताको यत्रो सागर ओर्लेको देख्नुभएको थियो जुन ईरानमा आज ओर्लेको छ भनी प्रश्न गर्दै अब पश्चिम एसियामा अमेरिकाको प्रभावशाली उपस्थितीको अन्त हुने समय भएको बताएका छन् । ईरानमा उक्त अन्र्तवार्ताले निकै ठूलो समर्थन र साथ पाएको छ, अहिले ईरानमा देशप्रेमको भावना र सोलेमानीको मृत्युले नयाँ राष्ट्रवादको जन्म गराएको सञ्चार माध्यमहरुले बताएका छन् ।

यो पनि पढ्नुहोस्

• ईरानले जमिनमुनी गुप्तरुपमा न्यूक्लीयर हतियार बनाँउदैछ : संयुक्तराष्ट्र संघ
• के ईरानले युद्ध चाहन्छ ?
• अमेरिका र ईरानको युद्ध हुन्छ त ?
• ईरानमा मदिरामाथिको प्रतिबन्ध घातक

लाइभमाण्डु