लण्डनमा जिमी हेन्डरीक्सको पदचापहरु
जिमी एक अमेरिकन मूलका कलाकार थिए यद्धपि यिनको करिअर भनें लण्डन शहरले नै बनायो । सन् १९६६ मा २४ वर्षको उमेरमा जिमी लण्डन आए, लण्डनको पहिलो कन्सर्टले उनलाई यति धेरै चर्चा दियो कि त्यपछि जिमीले कहिल्यै फर्केर हेर्नै परेन । केहि महिनाको बेलायत बसाई पछि जिमी अमेरिका फर्किए, एउटा फरक चर्चा र शानका साथ । उनी सन् १९७० भन्दा केहि अघि फेरि बेलायत आएर लण्डनको आफ्नो प्यारो शुरुवाती ठाँउहरु त नियाले तर त्यो नै उन्को अन्तिम लण्डन भ्रमण भयो, सन् १९७० मा त जिमीको आकस्मीक र असामहिक मृत्यु नै भयो ।
बेलायती इनभेजन ब्याण्ड द एनीमल्सका बेसिस्ट चास च्यान्ड्लर अमेरिका भ्रमणमा थिए जब यिनले न्यूयोर्कको ग्रिनभिच भिलेजको एउटा नाइट क्लबमा जिमी हेन्डरीक्सलाई भेटे । त्यपछि चान्डलरको सहायतामा जिमीले सन् १९६६ को सेप्टेम्बरमा बेलायतको भ्रमण गरे, त्यहाँका कन्सर्टमा अति चर्चित जिमी रातारात स्टार बने । उतिबेला लण्डन पप संगितको विश्वभरिको केन्द्र थियो, एउटा युवा पहिरन अनि फेशनको मक्का रुपमा लण्डन नयाँ शैली र चलनको मक्का झैं थियो त्यतिबेला ।
लण्डनमा यिनले आफ्नो सिग्नेजर मिलिटरी ज्याकेट कन्सर्ट अगाडि भाँडामा लिएका थिए, रोलिगं स्टोन्स, क्रिम, हु लगायतका ब्याण्डहरु अनि एरीक क्लीप्टनलाई भगवान नै मान्ने पप साधकहरुको शहर लण्डनमा जिमीले आफ्नो संघर्ष र सफलता दुबै अनुभव गरे । जिमी अब लण्डनका पवहरुमा रक एण्ड रोलको प्रतिस्पर्धा लाइभ नै गरिदिन थाले, जिमीका औंलाहरु गितारमा अनि मुख माइक नजिक भएपछि उनमा ईश्वरिय क्षमता आँउथ्यो ।
लण्डनको रक लोयाल्टी अब जिमीको आवाजको जादुमा थियो, यसै वखत यिनले फ्रान्स लगायतका देशहरुमा पनि कन्सर्ट साइन गरे । यूरोपमा जिमीको एउटा लहर नै चल्यो । चान्डलरले जिमीलाई ब्याण्ड स्थापना गर्न पनि मद्धत गरे, द जिमी एक्पीरियन्स नामको यो ब्याण्ड थियो । चर्चित टिभी शो रेडि स्टेडि गो मा सन् १९६७ मा जिमी आएपछि झनै उनी चर्चामा पुगे, यसै वखत यिनले साइकोडेलिक म्यूजीकहरु भएका दुई चर्चित गीत द पर्पल हेज र हे जोई गाए । जिमीको मृत्यु भएको ५० औं वर्ष पुग्न आँट्यो तर पनि आज जिमीको पदचापको खोजिमा लण्डन आउने मान्छेहरुको कमी छैन । जिमीले ज्याकेट भाँडामा लिएको गल्ली देखि यिनको कन्सर्ट भएको ठाँउहरुसम्म एउटा सांगितिक तिर्थयात्रा भएको छ ।
जिमीले एरीक क्लाप्टनको ब्याण्डसंग वेबमिनस्टर विश्वबिधालयमा बजाएबा थिए, अहिले पनि त्यस बिश्वबिधालयमा जिमीका पदचाप पछ्याँदै दैनिक सैयौं सांगितप्रेमीहरु पुग्दछन् । कम्बरल्याण्ड होटल देखि ब्रुक स्टी्रटसम्म जिमीका पदचापहरु को संझना आउने कतिपय शिलाहरु नै राखिएका छन् । जिमीलाई चर्चा अनि सफलता दिलाउने शहर लण्डन जिमी प्रेमीहरुका लागि सदैव सागिंतिक तिर्थयात्राको शहर हुनेछ ।
लाइभमाण्डु
