अमेरीकाका पूर्वराष्ट्रपति बाराकले यसरी दिए श्रीमती ओबामालाई जन्मदिनको शुभकामना
३ माघ २०७६, शुक्रबार २३:५६
जर्ज डब्लु बुश जुनियरको कठोर परराष्ट्र निति अनि द्वन्दका आफ्टरम्याथ पछि बाराक ओबामा अमेरिकाका प्रथम अश्वेत राष्ट्रपतिका रुपमा ह्वाइट हाउस छिरेका थिए । एउटा कुशल वक्ता, वाचक, लेखक अनि कानुनका ज्ञाता ओवामाको चर्चा विश्वभरि नै चुलियो, उनी आफ्ना उदारवादी नीति, आप्रवासी मैत्री निति अनि विश्वबन्धुत्वका लागि चर्चामा रहे भने अर्कोतर्फ साधारण र मिजासिलो जीवनशैली अनि समावेशी ब्यक्तित्व उनको असाधारण पहिचान थियो ।
अमेरिकाकी पूर्व फर्स्ट लेडि अनि बाराक ओवामाको जीवनसङ्गीनी मिखाइल ओवामाको जन्मदिनमा शुभकामना सहितको ट्वीटः
In every scene, you are my star, @MichelleObama! Happy birthday, baby! pic.twitter.com/hgMBhHasBj
— Barack Obama (@BarackObama) January 17, 2020
मिखाइलको जन्मदिन १७ जनवरीमा पर्दछ, बाराकले अतिनै शौम्य तथा समर्पित शैलीमा मिखाइललाई ट्वीट गर्दै मायासहितका शुभकामना दिएका छन् । जसमा उनले लेखेका छन्, “हरेक दृश्यमा, तिमी मेरी तारा हौ, @मिशेल ओबामा! जन्मदिनको शुभकामना, प्यारी!”
यो समाचार तयार पारुञ्जेल 118.1K भन्दा बढि रिट्वीट भएको यस ट्वीटलाई अहिलेसम्म 763K ले लाइक्स गरेका छन् ।
ओबामा दम्पत्तिले निर्माण गरेको वृतचित्र “दि अमेरिकन फेक्ट्री” Oscar अवार्डमा मनोनयनमा परेको शुभ खबरपछि मिखेलको जन्मदिनले थप खुशियाली अवश्य थपेको हुनुपर्छ ।
ओबामा दम्पतिको चलचित्र निर्माण कम्पनी “Higher Ground”को ब्यानरमा निर्माण गरिको त्यस वृतचित्रमा ओहारो राज्यो एउटा बन्द कारखानालाई कसरी एक चाईनिज अर्बपतिले पुनःसंचालनमा ल्याए भन्ने विषयमा केन्द्रित छ ।
मिखेलको आत्मकथा “Becoming” सन् २०१८ को नोभेम्बरमा सार्वजनिक भएको थियो र त्यो अमेरीकामा त्यसवर्ष प्रकाशित पुस्तकहरुमध्ये सर्वाधिक बिक्रि हुन सफल भएको थियो । श्रीमती ओबामा श्रीमानले ह्वाइट हाउस छाडेपछि अत्यधिक व्यस्त भएको पाईन्छ ।
