इज्रेली मन्त्रीको ट्वीटर अकाउण्ट ह्याकः प्यालीस्टाइनको झण्डा शेयर
२८ फाल्गुन २०७६, बुधबार ११:१५
बडो गज्जबको शत्रुता छ, यि दुई देशको बिचमा । मध्यपूर्वको अब्राहमीक सभ्यता र दर्शनको केन्द्रबिन्दु मानिएका यि दुई देशहरु आधा शताव्दीदेखि एकआपसमा लडिरहेका छन् । इज्रेल विश्वको सबैभन्दा कान्छो देशहरुमध्य एउटा देश हो भने प्यालीस्टाइन मध्यपूर्वको रैथाने देश ।
नफाती बेनेत इज्रेलका रक्षा मन्त्री हुन्, फार राइट धारका यि मन्त्रीको ट्वीटर अकाउण्ट ह्याक गरेर ह्याकरले प्यालीस्टाइन र टर्कीको झण्डा राखेको अनि टर्कीको राष्ट्रिय गान बज्ने गरि केही पोष्टहरु भएका छन् ।
The personal account of the IOF Minister, Naftali Bennett, was hacked on Twitter, spreading the flags of #Palestine and #Turkey, and tweets calling for freedom for Palestine. pic.twitter.com/wLBWqgB0xu
— PRUF48 (@pruf48) March 7, 2020
टर्की र इज्रेलको सुमधुर समबन्ध सन् २०१० मा गाँजा क्षेत्रमा इज्रेलको रेडका दौरान १० जना टर्कीशहरु मारिएपछि तितो भएको हो । के यो ह्याकर तिनै १० जनाका आफन्त मध्येका हुन् त ? एउटा आशंका त्यता पनि छ ।
यसअघि बेनेतले आफ्नो ट्वीटर अकाउण्टबाट टर्कीको क्रिमसन रंगको झण्डाको मजाक बनाएको आरोप पनि छ, हेरौं यस प्रविधिगत युद्धको अन्त्य के हुनेछ ?
—
लाइभमाण्डु
