शुक्रवारको दिनको ताजा तथ्याकं यहाँ प्रस्तुत गर्दै छौ, अमेरिकामा कोभिड १९ संक्रमणको संख्या ६६७००० जना नाघेको छ भने मृतकहरुको संख्याले पनि यसैसाथ ३५००० नाघेको छ । गत हप्ता मात्र अमेरिकामा ५२ लाख अमेरिकीहरुले बेरोजगार भत्ताका लागि आवेदन दिएका छन् र यस्का साथै कोरोना कहरमा अमेरिकामा बेरोजगार हुनेको संख्या २ करोड २० लाख बढि भइसकेको छ । अहिलेको तथ्याकं हेर्दा अमेरिकामा हरेक ७ जना कामदारमध्य एक कामदार बेरोजगार छन् । ट्रम्प प्रशासनको शुरुमा निकै बिरोध भएपनि ट्रम्पको आँट, नेतृत्व अनि कदमहरुको एैक्वद्धताका लागि अहिले समर्थन र सहयोगका नाराहरु अमेरिकीहरुमा गुञ्जीन थालेको पनि छ ।

विश्वभरिमा करिब २१ खाल २२ हजार मान्छेहरु कोरोना संक्रमीत भइसकेका छन् भने १ लाख ४५ हजार मान्छेहरुको मृत्यु भइसकेको छ । धेरै देशहरुले लकडाउन अवधि बढाएका बढाएकै छन्, यी देशहरुमा बेलायत र क्यानडाजस्ता बिकसित देशहरु पनि पर्दछन् ।
चीनले पनि यस वर्षको पहिलो क्वाटरमा आफ्नो अर्थतन्त्र ६ दशमलव ८ प्रतिशतले संकुचित भएको बताएको छ, यो चीनको पछिल्लो ४४ वर्षको सबैभन्दा धेरै अर्थतन्त्रको संकुचन हो ।

कोरोना कहरमा जेलभित्र झनै संक्रमणको संभावना भएपछि म्यानमारले २५००० बन्दीलाई रिहा नै गरिएिको छ । अमेरिकी राष्ट्रपतिले जनताहरुको लकडाउनमा भएका समस्यालाई मध्यनजरमा राख्दै सुरक्षित तवरले केहि आवागमन र बजारमा खुल्लापना ल्याउने कि भन्ने सोच भएको पनि जनाएका छन् ।

लाइभमाण्डु