लुकेका साङ्गीतिक प्रतिभाहरुको खोजी तथा बिकासको लागि “द भ्वाइस अफ नेपाल” एउटा उत्कृष्ट मञ्च साबित भएको छ । ट्यालेन्टहरु सेमिफाइनलको यात्राका लागि निकै मेहेनत गरिरहेका छन् । सेमिफाइनलमा क-कसलाई पुर्याउने जिम्मेवारी दर्शकहरुको हातमा छाडिएको छ । अघिल्ला श्रृंखलामा कोचहमा ट्यालेन्टलाई सुरक्षित गर्न अधिकार थियो तर अव सेमिफाइनल देखि सम्पुर्ण अधिकार दर्शकहरुको भोटिङमा रहेको छ । सम्पुर्ण ट्यालेन्टहरु सेमिफाइनलमा पुग्नको लागि निकै मेहनत गरिरहेका छन् साथै कोचहरुले आफ्ना ट्यालेन्टलाई हौसला दिइरहेका छन् ।

देश विदेशमा एउटा अभियान नै सुरु भएको छ आफ्ना मनपर्ने ट्यालेन्टहरुलाई जिताउने । विभिन्न चोक, गल्ली अनि टोलटोलमा भोटिङका लागि अभियानहरु चलिरहेका छन् । घरदैलो गरेर होस या विभिन्न सांस्कृतिक कार्यक्रमहरु गरेर आफनो मनपर्ने ट्यालेन्टलाई जिताउने अभियानमा सर्मथकको भुमिका निकै बढिरहेको छ । भोटिङ कोड सहितको ट्यालेन्टका तस्बीर चोक चोक मा सजिएका छन् ।नेपालको पहिलो द भ्वाइस को यो अभियानमा विभिन्न सांगितिक , राजनैतिक तथा कलाकारहरुले समेत साथ दिइरहनुभएको छ । सामाजिक सञ्जालमा ट्यालेन्टलाई जिताऊ अभियान हरु चलिरहेका छन् । आ आफनो मन पर्ने ट्यालेन्टलाई जिताउन भोटिङ्ग अभियानमा सर्मथकहरु बाटो बाटोमा निस्कीएर , विद्यालय, संघ संस्थामा गएर भोटिङ्गको लागि अनुरोध गरिरहेका छन् । ट्यालेन्टहरु पनि सामाजिक सञ्जालमार्फत समयम समयमा भोटिङ्गको लागि अनुरोध र सर्मथकसँग कुराकानीमा व्यस्त देखिन्छन् । द भ्वाइस अफ नेपालको फाइनल कतारको दोहामा हुने भएको छ । फाइनलको हेर्नको लागि कतारमा रहेका सम्पुर्ण नेपालीहरु निकै उत्साहित देखिन्छन् ।

सेमिफाइनलका लागि १६ जना मध्येबाट ८ जना छनोट गरिन्छ, सेमिफाइनलको यात्रामा ४ ट्यालेन्टहरु सुरक्षित भैसकेका छन् टिम प्रमोदबाट शुशिल गड्तौला र टिम सनुपबाट सप्तक दुतराज टिम अभायाबाट शृर्या राई र टिम दिपबाट बिवेक बाइवा लामा । अब बाँकी ८ जना ट्यालेन्ट मध्येबाट ४ जना सेमिफाइनलको लागि छनोट हुनेछन् भोटिङ्को आधारमा । अनि शुरु हुनेछ फाइनलको यात्रा ।