चीनमा ६८ औं मिस वर्ल्ड २०१८ आयोजना भइरहेको छ । जसमा नेपालको प्रतिनिधित्व गरिरहेकी मिस नेपाल २०१८ श्रृंखला खतिवडा मिस वर्ल्डको टप ३० मा आफनो स्थान सुरक्षित गर्न सफल भएकी छिन् । नेपाली भुमिको प्रतिनिधित्व गरिरहेकी श्रृंखलाले टप ३० मा पुग्नु निकै गौरबको कुरा रहेको छ । विभिन्न १२२ देशले सहभागिता जनाएको यस प्रतियोगितामा टप ३०को लागि विभिन्न ३० बिधाहरु सञ्चालन गरिएको थियो ।

मल्टिमिडिया बिधामा सामाजिक सञ्जालमा भएको सर्मथन, रचनात्मक विषयबस्तु तथा प्रभावको आधारमा टप ३० मा उनको स्थान सुरक्षित भएको हो । यस बिधामा छनोट भएका अन्य दुई राष्ट्र मेक्सिको र केन्यालाई पछि पार्दै श्रृंखलाले आफनो स्थान सुरक्षित पर्न सफल भएकी हुन् ।

हेड टु हेड च्यालेन्जमा सिंगापुरकी सुन्दरीसँग पराजित भएकी श्रृखंलाले अन्य शिर्षक बाकी रहेको र शुभचिन्तक सबैलाई नआतिनु भन्दै भिडियो पनि शेयर गरेकी थिइन् । मल्टिमिडिया अर्वाड जिते पछि सम्पुर्ण नेपालीलाई धन्यवाद सहितको भिडियो सार्वजनिक गरेकी छिन् ।  यस संस्करणमा नेपाली चेलीको राम्रो सम्भाव्यताको रहेको आकलन गरिएको थियो । उनलाई देश तथा बिदेशबाट सबैभन्दा बढि भोटिङ्ग प्राप्त भइरहेको छ ।यस विश्वसुन्दरी प्रतियोगिताबाट फर्कदै गर्दा उनको शिरमा ताज देख्न पाऊँ, श्रृखंलालाई धेरै धेरै शुभकामना ।

https://www.youtube.com/watch?v=PmU47_QXkgI&fbclid=IwAR3eOpcI0_swxK2gJNQQXL0476TIEKtuK4pJUOc5L8F85QknY3Y57oCiuLM