Lifestyle Portal
  •   २० असार २०७९, सोमबार

सम्झनामा स्वर सम्राट नारायणगोपाल

१९ मंसिर २०७५, बुधबार १२:१८

‘म त लाली गुराँसै भएछु
बनैभरि फुलिदिन्छु मनैभरि फुलिदिन्छु’

नारायणगोपालको यो गीतमा एउटा दर्शन छ र यस्ता दर्शनहरु लगभग उनका हरेक गीतहरुमा पाइन्छ । जब दर्शन मिसिएको गहिरा शब्दमा नारायणगोपालको आवाज अनि उनका अभ्यस्त औंलाहरुले हार्मोनियम फिट्न थाल्दथे तब गीतहरुले एउटा मर्म अभिब्यक्त गर्दथे, रेडियो नेपालमा कति लाइभ अनि कति रेकर्डेड , केही थान रिलचक्काहरु अनि केही सुमधुर साँझहरु । नारायणगोपाल बजिरहे अनि कालजयी हुँदैगए उनका आवाज ।

आज मसिंर १९, यसै दिन बिसं २०४७ मा स्वरसम्राट अस्ताएका दिन तर फेरि सर्जकको कहिले मृत्यू नहुने प्रमाण उनका गीतहरुले आज लगभग ३० वर्षपछि पनि दिइरहेका छन् । हरेक रियालीटी शो, अन्ताक्षरी, पिकनीक देखि मधुशालासम्म नारायणगोपालका गीत बिना अधुरा छन् ।

त्रिचन्द्र कलेजको बिधार्थी भेलाको मञ्चमा प्रथम पटक दर्शकका लागि गाउन भनेंर पहिले तबला बजाएका अनि पछि माइक समातेका नारायणगोपालको जीवन नै माइक अनि हार्मोनियमको सहयात्री जो बन्न पुग्यो । एउटा मोटो चश्मा लगाउने, बुलन्द आवाज भएका, हार्मोनियम फिटेर पलेंटी कसेर गाउने नारायण गोपाल ।

उन्का किस्साहरु धेरै छन् । नक्सालमा केहि पुराना नेवारी भान्साहरुमा अनि केहि उ बेलाका साथीहरुको यादमा नारायणगोपाल अझै पनि एउटा अच्चमका साधक हुन् । मदिरम अनि मदहोशीका मगन एउटा गायक जो शब्द अनि सुरका अचम्मका पारखी थिए । एउटा र्फेक्सनीस्ट अनि एउटा मुडका मालिक नारायणगोपाल । रातीको अबेरसम्म गीतमा जमेका नारायणगोपाल सबेरै मञ्चमा उक्लनेमा पनि प्रथम हुन्थे, यि गायक संगितका लागि बाँचे ।

उनको नीलो रंगको मोटरसाइकलको आजपनि त्यसताकाका धेरै गायकले चर्चा गर्दछन्, मोटरसाइकलमा बतासिँदै आउने नारायणले कहिले पछ्यौरी उडाएका त कहिले दुख्ने घाउका गीतका कुराहरु गाँउदै गए । मायालु चलचित्रको हिमाल सरि म अग्लिरहेछु नारायणगोपालको एउटा अर्को उत्कृष्ट गायन हो । दक्षिणा चलचित्रको यो मुटुलाई बोलको गीत गाँउदाको खोकी उन्को बास्तविक खोकी रहेको बताइन्छ, रोगले थलिएका नारायणलाई दैवले चुढेँर त लगे तर उनका गीतहरुको कुनै सिमारेखा छैन् । नेपाली रेडियो, टिभी, यूट्यूब लगायत सम्पूर्ण मिडिया नारायणका गीतका बेगर अपुरा नै हुन्छन् ।

नारायणगोपाल एउटा गायक कम तर सपना बढि हुन् । यिनले भरपुर आफ्नो सपना बाँचेर गए अनि उनका सपनाका टुक्राहरुका रुपमा गीतहरु अझै पनि हामीसाथै छन् । खानाका शौखिन यी गायक चेस अनि फुटबलका क्रेजी नै थिए । आफ्नो अगाडी काठका टेबल मेच भेटेपनि बजाएर गीत गाउन शुरु गरिहाल्ने यी महान कलाकार नारायणगोपाल नेपालीमा मनमनमा सदैव अमर रहनेछन् ।

स्मृती स्वरसम्राटको

 

प्रतिक्रिया दिनुहोस !
सम्बन्धित खबरहरु

लोकप्रिय पोखरेली सांगीतिक ब्यान्ड ‘कन्दरा’ र ‘नेपग्याज्म लाइभ इभेन्ट’ (एनएलई) कम्पनीबीच व्यवयसायिक सम्झौता भएको छ । २०७९ असार ७ गते

भारतका माननीय रेल मन्त्री र माननीय पर्यटन मन्त्रीले आज संयुक्तरुपमा दिल्ली रेल्वे स्टेसनमा हरियो झण्डा देखाई भारत र नेपाल जोड्ने

भारतीय सांस्कृतिक सम्बन्ध परिषद्का अध्यक्ष डा. विनय सहस्रबुद्धेले यही मिति २०७९ जेठ ३१ देखि असार २ गते सम्म काठमाडौं भ्रमणका

भारत सरकारको अनुदान सहयोगमा निर्माण भएको श्रीफौद सिंह जनता मावि, लालबन्दी नगरपालिका–१७, रानीगञ्ज, सर्लाही जिल्लाको दुईतले भवनको उद्घाटन सम्पन्न भएको