दाङमा न्यायाधीशकी श्रीमती ब्राउन सुगरसहित पक्राउ

सुर्खेत । दाङमा एक न्यायाधीशकी श्रीमती ब्राउन सुगरसहित पक्राउ परेकी छन् ।

उच्च अदालत सुर्खेत जुम्ला इजलासका न्यायाधीश मदन पोखरेलकी श्रीमती तुलसा पोखरेल ब्राउन सुगरसहित पक्राउ परेकी हुन् ।

उनलाई जिल्ला प्रहरी कार्यालय दाङबाट सादा पोशाकमा खटिएको प्रहरी टोलीले तुलसीपुर उपमहानगरपालिका-५ स्थित उनकै घरबाट २ ग्राम २६ मिलिग्राम ब्राउन सुगरसहित पक्राउ गरेको हो ।

इलाका प्रहरी कार्यालय तुलसीपुरका प्रमुख प्रहरी नायब उपरीक्षक (डीएसपी) शिव सिंहले पक्राउको पुष्टि गरेका छन् । पोखरेललाई इलाका प्रहरी कार्यालय तुलसीपुरको हिरासतमा राखिएको छ ।

ब्राउन सुगरसहित पक्राउ परेकी न्यायाधीश मदन पोखरेलकी कान्छी श्रीमती हुन् ।