किसान आन्दोलनका बारेमा अजय देवगनसँग प्रश्न गर्ने युवक पक्राउ
१९ फाल्गुन २०७७, बुधबार २३:५०
नयाँ दिल्ली । मुम्बइमा भारतीय सुपरस्टार अजय देवगनसँग किसानका बारेमा प्रश्न गर्ने युवकलाई मुम्बइ प्रहरीले प्रकाउ गरेको छ । अजय देवगनको गाडी रोकेर किसान आन्दोलनका बारेमा सवाल गर्ने ती युवकलाई मुम्बइ प्रहरीले पक्राउ गरेको हो ।
उनले भारतीय सुपरस्टार अजय भारतको कृषि कानुनको विरोध गर्दै आन्दोलनमा रहेका किसानहरुको बारेमा किन बोलिरहेका छैनन् भन्ने जिज्ञासा राखेका थिए । भारतीय समाचार एजेन्सी पीटीआईका अनुसार एक प्रहरी अधिकारीले २८ वर्षीय राजदीप सिंह नामका युवा एक सवारी चालक हुन् । उनी पञ्जावका हुन् ।
दिन्दोसी प्रहरी चौकीका प्रहरी अधिकारीले भने, “यो घटना मंगलबार बिहान साढे १० बजेको हो । २८ वर्षीय सिंहले गुणगाउको फिल्म सिटीबाहिर अजय देवगनको कारलाई रोक्नै आन्दोलनकारी किसानको समर्थनमा किन उनी बोलेनन् भन्दै प्रश्न गरेका थिए ।”
प्रहरीका अनुसार अजयका बडीगार्ड प्रतीप इन्द्रसेन गौतमले यस विषयमा प्रहरीलाई जानकारी गराएका थिए । उक्त जानकारीपछप प्रहरीले ती युवकलाई पक्राउ गरेको हो ।
सिंहविरुद्ध गलत तरिकाले सवारी साधन रोकेको, शान्ति भंग गरेको र जानाजान अपमान गरेको र आपराधिक धम्की दिएको आरोप लगाइएको प्रहरी इन्सपेक्टर धर्मेन्द्र काबलेले बताएका छन् । – बीबीसी
